دەپارتامەنت مالىمەتىنە سۇيەنسەك, قايعىلى وقيعا 28 قاراشا كۇنى بولعان. كۇندىز ساعات 12:30-دىڭ شاماسىندا جەرگىلىكتى تۇرعىندار جەكە مەنشىك ۇيدە ءتورت ادامنىڭ قايتىس بولعانىن حابارلادى. ەكى ەر ادام, ءبىر ايەل جانە 3-4 جاسار بالا.
وقيعا ورنىنا بارعان قۇتقارۋشىلار قايعىلى جاعدايدىڭ الدىن الا سەبەبىن انىقتادى. ءتورت ادام دا ءيىس ءتيىپ ۋلانعان. ءۇيدىڭ يەسى ەسكى پەشتى بۇزىپ, تابيعي گازبەن جاعاتىنداي ەتىپ قايتا سالعان.
ء«يىس گازدى ء«ۇنسىز جان العىش» دەپ اتايدى. سەبەبى كوزگە كورىنبەيدى, ءيىسى دە جوق. ادام ونىمەن بىرنەشە رەت دەم السا, ءولىپ كەتۋى مۇمكىن. ول قانعا بارعاننان كەيىن اعزاعا وتتەگى تاراتاتىن گەموگلابيندى بۇعاتتاپ تاستايدى. سودان ادام ءيىس ءتيىس ۋلانادى», دەيدى قۇتقارۋشىلار.
اۋادا ءيىس گازىنىڭ مولشەرى 0,1% بولسا, ادام ءبىر ساعات ىشىندە قايتىس بولادى. ال 0,5%-كە ارتقان جاعدايدا 20 مينۋتتا ولىمگە اكەپ سوعادى.
