ەلوردا • 27 قاراشا، 2021

ەلوردادان 18 مىڭ جۇك كولىگى كولەمىندە قار شىعارىلدى

25 رەت كورسەتىلدى

قالانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىسىن جالعاستىرۋدا. 26-27 قاراشاعا قاراعان ءتۇنى ەلوردادان قار پوليگوندارىنا 40 مىڭ تەكشە مەترگە جۋىق قار شىعارىلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

بۇگىن ەلوردادا قار جيناۋ جۇمىستارىنا ەكى مىڭعا جۋىق جول جۇمىسشىلارى مەن 1700-دەن استام ارنايى تەحنيكا جۇمىلدىرىلدى.

26-27 قاراشاعا قاراعان ءتۇنى عانا ەلوردادان قار پوليگوندارىنا 40 مىڭ تەكشە مەترگە جۋىق قار شىعارىلدى.

قالادا بارلىعى ءتورت قار پوليگونى، رەزەرۆتە تاعى 6 پوليگون بار. ولاردىڭ ارقايسىسىندا تاۋلىك بويى بەينەباقىلاۋ مەن باقىلاۋدىڭ زاماناۋي جۇيەسى ورناتىلعان، ول ارنايى تەحنيكانىڭ مەملەكەتتىك ءنومىرىن كىرۋ جانە شىعۋ جولدارىندا، كەلۋ ۋاقىتى مەن كۇنىندە تىركەۋگە جانە جۇكتىڭ كولەمى مەن مازمۇنىن ەسەپكە الۋعا مۇمكىندىك بەرەدى.

ايتا كەتسەك، قىس مەزگىلى باستالعاننان بەرى قالانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەپ كەلەدى. ءبىرىنشى كەزەكتە، ەرەجە بويىنشا، جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەر تازارتىلادى. سونداي-اق ورتاشا قارقىندى ۋچاسكەلەر-الاڭدار، ۆوكزال ماڭىنداعى اۋماقتار، تروتۋارلار مەن الەۋمەتتىك وبەكتىلەرگە كىرەتىن جولدار دا تازارتىلادى.

قىس مەزگىلى باستالعاننان بەرى قالادان 200 مىڭ تەكشە مەتردەن استام قار شىعارىلدى، بۇل 18 مىڭ جۇك كولىگىن قۇرادى.

سوڭعى جاڭالىقتار

ۋتيل الىمى ۋاقىتشا توقتاتىلدى

ەكونوميكا • بۇگىن، 12:51

دوللار باعاسى ارزاندادى

ەكونوميكا • بۇگىن، 11:32

WBO اندرادەنى قورعاۋعا كوشتى

كاسىپقوي بوكس • بۇگىن، 09:55

ۇقساس جاڭالىقتار