ۇرپاققا امانات

ەلىمىزدىڭ تۇڭعىش پرەزيدەنتى قازاقستان الەمدەگى وزىق 30 ەلدىڭ قاتارىنا قوسىلۋ ءۇشىن قاجەتتى العى­شارتتىڭ بار ەكەنىنە سەنىم بىلدىرە كەلە, جەتى  تۇعىر توڭىرە­گىن­دەگى سارابدال ويىن ءوربىتتى. اتاپ ايتاتىن بولساق, ءبىرىنشى, تاۋەل­سىز­دىك – كەز كەلگەن ازامات ءۇشىن ەڭ قاستەرلى قۇندىلىق. جاستار وسى قۇندىلىقتى باعالاي بىلۋگە ءتيىس. ەكىنشى – بىر­لىك پەن كەلىسىم ەلدىگىمىزدىڭ مىز­عىماس تۇعىرى ەكەندىگىنە توقتال­دى. ءۇشىنشى – جەر اتا-بابا مۇرا­سى, حالىق قازىناسى. ەلباسى جەر تۋرالى ايتا كەلە, اتا-بابا اما­ناتىنا ادال بولىپ, ۇلان-عايىر جە­رىمىزدى قورعاۋ, ونى بولاشاق ۇرپاققا ميراس ەتۋ جاستاردىڭ ورتاق بورىشى دەگەنگە ەرەكشە باسىمدىق بەردى. ءتورتىنشى – وتباسى مەن سالت-ءداستۇر قوعامنىڭ التىن دىڭگەگى. قاي كەزەڭدە دە ءبىز ۇلكەنگە ىزەت, كىشىگە قۇرمەت كورسەتۋدى دارىپتەيتىن اتا-ءداستۇرىمىزدى بەرىك ۇستانۋىمىز قاجەت ەكەندىگى ايتىلدى ۇندەۋدە. بەسىنشى – ۇلتتىق مادەنيەت حا­لىق­تىڭ رۋحاني تىرەگى ەكەندىگى جو­نىندە ايتا كەلىپ, وركەنيەتتى 30 ەلدىڭ قاتارىنا قوسىلۋ ءۇشىن ماتەريالدىق قۇندىلىقتارمەن قاتار رۋحاني بايلىقتىڭ ماڭىزى  جوعارى ەكەندىگىنە توقتالدى. ەلباسى التىنشى تۇعىردا عىلىم, ءبىلىم, ەڭبەككە اسا ءمان بەرىپ وتىر. جەتىنشى – پراگماتيزم پرينتسيپتەرى بويىنشا جاستار قاناعاتشىل, ۇنەمشىل, ۇستامدى بولىپ, ۋاقىتتى ورىندى پايدالانۋعا تالپىنعان ءجون دەي كەلە, تەرەڭ ءبىلىم الىپ, ادال ەڭبەك ەتۋگە ۇندەيدى. تۇيىن­دەپ ايتقاندا, ەلباسىنىڭ تاۋەل­سىزدىك قۇرداستارىنا ۇندەۋى تاۋەل­سىز­دىگىمىزدى باياندى ەتىپ, ەل تۇتاس­تىعىن ساقتاپ, وتباسىلىق قۇندى­لىق­تاردى جاڭعىرتىپ, ۇلت مادەنيەتىن ناسي­حاتتاپ, تەرەڭ ءبىلىم مەن ادال ەڭبەككە دەن قويعان جاسام­پاز ەل بولامىز دەگەن قاعي­داتپەن تۇجىرىمدالا-
دى.

ەلباسىنىڭ «ەلدىكتىڭ جەتى تۇعىرى» قاعيداتتار جيىن­تىعىندا مەملەكەتتىلىكتىڭ جان-جاقتى وركەندەۋىنە ىقپال ەتەتىن كوپتەگەن ماسەلە قوزعالدى. وسى باعىتتا ەلىمىزدى الەمگە تانىتۋدا قىز­مەت ەتۋ – ءبىزدىڭ مىندەتىمىز.  ويت­كەنى قازاقتىڭ تاريحى – ماقتان ەتۋگە لايىقتى, ەرلىك پەن ەلدىكتىڭ تاري­حى. ەندەشە, ەلباسىنىڭ ۇرپاققا اما­ناتىنا ادالدىق تانىتىپ, ۇلتتىق قۇندىلىقتاردى ۇلىقتاپ, قازاق­ستاننىڭ ابىرويىن اسقاقتاتۋ جو­لىندا ەڭبەك ەتۋىمىز كەرەك. ەلىمىزدىڭ تاۋەلسىزدىك تۇعىرى بەرىك بولسىن!

جانگەلدى ماحاشوۆ,

وتىرار مەملەكەتتىك ارحەولوگيالىق

قورىق-مۋزەيىنىڭ ديرەكتورى