«بۇگىنگى تاڭدا قازاقستاندا ەرەكشە قاجەتتىلىكتەرى بار 702 مىڭ ادام تۇرادى, ونىڭ ىشىندە جۇمىس ىستەيتىندەر – 126 مىڭ ادام. مۇگەدەكتەردىڭ قۇقىقتارى تۋرالى كونۆەنتسيا قاتىسۋشىلاردى مۇگەدەكتەردىڭ باسقالارمەن تەڭ دارەجەدە ءومىر ءسۇرۋ قۇقىعىن ءتيىمدى جۇزەگە اسىرۋىن قامتاماسىز ەتۋ ءۇشىن, مۇگەدەكتەردىڭ ولار ءۇشىن جەتكىلىكتى ءومىر ءسۇرۋ دەڭگەيىنە قۇقىقتارىن قامتاماسىز ەتۋ جانە كوتەرمەلەۋ شارالارىن قابىلداۋعا بارلىق قاجەتتى شارالاردى قابىلداۋعا مىندەتتەيدى», دەدى جانات وماربەكوۆا.
مەملەكەتتىك الەۋمەتتىك جاردەماقىلار الەۋمەتتىك قورعاۋ جۇيەسىنىڭ ءبىرىنشى (بازالىق) دەڭگەيىن بىلدىرەتىنى اتاپ ءوتىلدى. كورسەتىلگەن جاردەماقىلارعا ەڭبەك ءوتىلىنىڭ جانە رەسپۋبليكالىق بيۋدجەتتەن تولەنەتىن تابىسىنىڭ بولۋىنا قاراماستان, بەلگىلەنگەن تارتىپپەن مۇگەدەك دەپ تانىلعان بارلىق ادامداردىڭ قۇقىعى بار.
«قازاقستان رەسپۋبليكاسىندا مۇگەدەكتىگى بويىنشا جانە اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقىلار تۋرالى» زاڭعا سايكەس جالپى اۋرۋى بار مۇگەدەكتەرگە مۇگەدەكتىگى بويىنشا ايلىق جاردەماقىلار مىناداي مولشەرلەردە تاعايىندالادى:
- ءبىرىنشى توپقا – 65 860 تەڭگە;
- ەكىنشى توپقا – 52 483 تەڭگە;
- ءۇشىنشى توپقا – 35 675 تەڭگە.
ەڭ تومەنگى كۇنكورىس دەڭگەيىنىڭ وسۋىنە بايلانىستى ولاردىڭ مولشەرى جىل سايىنعى يندەكستەۋدى ەسكەرە وتىرىپ, جىل سايىن ينفلياتسيا دەڭگەيىنە 5%-عا كوتەرىلۋىنە كەپىلدىك بەرىلەدى.
«پاندەميا, ەكونوميكالىق داعدارىس جانە ينفلياتسيا الەۋمەتتىك ماڭىزى بار ونىمدەرگە, ءدارى-دارمەكتەرگە باعانىڭ وسۋىنە اكەلدى جانە بۇل 5% وسى شىعىنداردىڭ كەم دەگەندە ءبىر بولىگىن قامتىمايتىنىن مويىنداۋ كەرەك. بۇل رەتتە جىلدىق ينفلياتسيا 8,9% دەڭگەيىندە ساقتالادى. بۇگىنگى تاڭدا ءۇشىنشى توپتاعى مۇگەدەكتىڭ جاردەماقىسى ەڭ تومەنگى جالاقى – 42 500 تەڭگەگە جەتپەيدى. سونىمەن قاتار قوسىمشا كىرىسى جوق 500 مىڭنان استام ازامات وسى ەڭ تومەنگى جاردەماقىعا يە بولۋى كەرەك», دەپ تولىقتىردى جانات وماربەكوۆا.
