تايلاندتا وپپوزيتسيا جەتەكشىسى سۋتەپ تاۋگسۋبان ۇكىمەتپەن اشىق پىكىرتالاس جۇرگىزۋگە كەلىسىم بەردى. بۇل تۋرالى يتار-تاسس اگەنتتىگى حابارلادى.
بۇدان بۇرىن سۋتەپ تاۋگسۋبان پرەمەر-مينيستر قىزمەتىن اتقارۋشى ينگلاك چيناۆاتتىڭ ەلدىڭ ىشكى ساياسي احۋالىن جاقسارتۋ ماقساتىنداعى ديالوگ قۇرۋ جونىندەگى ۇسىنىسىنان ءۇزىلدى-كەسىلدى باس تارتقان بولاتىن. بۇل جولى حالىقتىڭ مۇددەسى ءۇشىن تەلەارنادا اشىق پىكىرتالاس وتكىزۋگە ۇسىنىس ءبىلدىردى.
تايلاندتاعى ۇكىمەتكە قارسى نارازىلىق اكتسيالارى وتكەن جىلدىڭ قاراشا ايىنان بەرى جالعاسىپ كەلەدى. سونىڭ سالدارىنان كەزەكتەن تىس پارلامەنت سايلاۋىنىڭ وتۋىنە كەدەرگى بولدى. جالپى, وپپوزيتسيونەرلەر ينگلاك چيناۆات باسقاراتىن ۇكىمەت مۇشەلەرىنىڭ وتستاۆكاعا كەتۋىن تالاپ ەتۋدە. سونداي-اق ولار سايلاۋدان بۇرىن ەلدە ساياسي رەفورما جۇرگىزۋدى كوزدەپ وتىر.
ايدار ورىسباەۆ.
دەرەككوز: Irat-tass.com.
فوتو: Epochtimes.ru.
