اقتوبە وبلىسىندا ءبىر تاۋلىكتە 18 ادامنان كوروناۆيرۋس ينفەكتسياسى انىقتالدى. ونىڭ 15-ءى دەرتتىڭ سيمتومدى تۇرىنە شالدىققان. وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بەكبولات ءىزباساروۆتىڭ ايتۋىنشا, قازىر COVID-19 جۇقتىرعان 24 بالانىڭ ءبارى امبۋلاتوردى تۇردە ەم قابىلداپ جاتىر. ال ەكى جۇكتى ايەل اۋرحانادا, دارىگەرلەر باقىلاۋىندا.
«اقتوبە وبلىسىنا Pfizer ۆاكتسيناسىنىڭ 40 مىڭ دوزاسى جەتكىزىلدى. قازىر ەمحانالارعا ۇلەستىرىلىپ جاتىر. بالالاردى, جۇكتى ايەلدەردى, بالا ەمىزەتىن انالاردى ۆاكتسيناتسيالاۋ باستالدى دەپ ايتۋعا بولادى. اتا-انالارعا ءتۇسىندىرۋ جۇمىستارى دا قاتار جۇرگىزىلىپ جاتىر. ازىرگە ناقتى سانىن ايتا المايمىز», دەدى بەكبولات ءىزباساروۆ.
ايتىپ وتەيىك, بۇگىندە اقتوبەدە 147 ادام ينفەكتسيالىق ستاتسيونارلاردا ەم قابىلداپ جاتىر. ونىڭ 16-ى جاقساقتاۋ بولىمىندە. ەكەۋى وكپەنى جاساندى جەلدەتۋ اپپاراتىنا قوسىلعان. بۇگىنگى كۇنگە دەيىن وبلىستا 34 مىڭنان استام COVID-19 جۇقتىرسا, ونىڭ 98,1% جازىلىپ شىقتى.
