سەناتتىڭ كەزەكتى وتىرىسىندا دەپۋتاتتار «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى. زاڭ جوباسى بيزنەس پەن ازاماتتاردى قولداۋدى, كولەڭكەلى ەكونوميكاعا قارسى ءىس-قيمىل بويىنشا سالىقتى اكىمشىلەندىرۋ شارالارىن جاقسارتۋدى كوزدەيدى.
سونىمەن قاتار الداعى وتىرىستا «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوبالارى دا قارالاتىن بولدى. قازاقستان بۇل كەلىسىمدەر اياسىندا قىرعىزستان مەن تاجىكستانعا اسكەري م ۇلىك بەرۋ ارقىلى اسكەري-تەحنيكالىق كومەك كورسەتەدى. ال كومەك الۋشى تاراپتار وزدەرىنە العان اسكەري م ۇلىكتى نەمەسە ونى قولدانۋ قۇقىعىن ءۇشىنشى تاراپقا بەرمەۋ تۋرالى مىندەتتەمە الادى.
سەنات وتىرىسىنىڭ كۇن تارتىبىنە اسكەري ىنتىماقتاستىققا قاتىستى تاعى ءبىر زاڭ جوباسى شىعارىلادى. ناقتى ايتقاندا, دەپۋتاتتار الداعى بەيسەنبىدە «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى تاجىك-اۋعان شەكاراسىنا ىرگەلەس اۋدانداردا قاۋىپسىزدىكتى قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن دا قارايدى.
