كوروناۆيرۋس • 22 قاراشا، 2021

ەلوردادا رەۆاكتسينالاۋ باستالدى

104 رەت كورسەتىلدى

نۇر-سۇلتانداعى مەديتسينالىق ۇيىمداردا 9 اي بۇرىن كوروناۆيرۋسقا قارسى ۆاكتسينا العان ازاماتتاردى رەۆاكتسينالاۋ باستالدى، دەپ حابارلايدى Egemen.kz.

وسىلايشا، بۇگىننەن باستاپ مەديتسينالىق قىزمەتكەرلەر، سانيتارلىق-ەپيدەميولوگيالىق قىزمەت ماماندارى مەن پەداگوگتەر قايتا ەگىلەدى. سونداي-اق، بۇل تىزىمگە مەديتسينالىق-الەۋمەتتىك مەكەمەلەردىڭ قىزمەتكەرلەرى مەن كونتينگەنتى، كۇش قۇرىلىمدارىنىڭ قىزمەتكەرلەرى كىردى.

«بۇگىن ءبىز اقپان-ناۋرىز ايلارىندا العاش بولىپ ەكپە العان ازاماتتاردى رەۆاكتسينالاۋعا كىرىسەمىز. سونىمەن قاتار، 6 اي بۇرىن QazVac جانە قىتايلىق Vero Cell پرەپاراتىنىڭ دوزاسىن العان ادامدار رەۆاكتسيناعا جاتادى. كومپونەنتتەر اراسىنداعى ارالىقتى ساقتاۋ وتە ماڭىزدى. ءبىزدىڭ ۆاكتسينالاۋ پۋنكتەرىندە بۇل پروتسەدۋرا ءۇشىن جەتكىلىكتى مولشەردە دوزا بار. سونىمەن قاتار، كۆي-گە قارسى ۆاكتسينامەن رەۆاكتسينا جۇرگىزۋگە بولادى»، دەدى قالالىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.

ول سونداي-اق، قالادا Pfizer پرەپاراتىمەن ۆاكتسينالاۋ جالعاسىپ جاتقانىن ايتتى. Pfizer ۆاكتسيناتسياسى باستالعاننان بەرى ءبىر اپتا ىشىندە ەلوردادا جۇكتى ايەلدەر، 12-18 جاس ارالىعىنداعى بالالار مەن بالا ەمىزەتىن انالار اراسىنان 3 600-دەن استام قالا تۇرعىنى ەگىلدى.

نۇر-سۇلتان قالاسى بويىنشا ءبىرىنشى كومپونەنتپەن ۆاكتسيناتسيالانعاندار سانى 465 مىڭ ادامدى قۇرادى، ەكىنشى كومپونەنتتى 427 مىڭنان استام ازامات الدى.

 

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار