فۋتبول • 22 قاراشا، 2021

«قايرات» فينالعا شىقتى

61 رەت كورسەتىلدى

فۋتبولدان الماتىداعى ورتالىق ستاديوندا وتكەن قازاقستان كۋبو­گىنىڭ جارتىلاي فينالىندا جەرگىلىكتى «قاي­رات» نۇر-سۇلتاننىڭ «استا­نا­سىمەن» كۇش سىناستى.

«استانا ارەنادا» وتكەن العاشقى كەزدەسۋدە قوناقتار الاڭ يەلەرىنىڭ قاقپاسىنا جاۋاپسىز ءۇش گول سالعان ەدى. بۇل جولى دا «قايراتتىڭ» مەرەيى ۇستەم بولدى. شىنى كەرەك، ءبىرىنشى تايم سۇرەڭسىز ءوتتى. قوس كوماندا ارا-تۇرا شابۋىلداعانىمەن، ولاردىڭ بۇل ارەكەتتەرىنەن ەشتەڭە ون­بەدى. ويىنشىلاردىڭ تەپكەن دوپتارى كوپ جاعدايدا قيسىق كەتسە، كەيبىر تۇستا قاقپاشىلاردىڭ وڭاي ولجاسىنا اينالدى. ەسەسىنە ۇزىلىستەن كەيىن باسەكە جانداندى. 65-مينۋتتا مەيرامبەك قالمىرزا جواو پاۋلو تەپكەن دوپتى كەرى قايتارامىن دەپ ءوز قاقپاسىنا باعىتتادى. 81-مينۋتتا حوسە كانتە بۇرىشتامادان بەرىلگەن دوپ­تى توردا تۋلاتسا، 87-مينۋتتا ۆاگنەر لاۆ كەز­دەسۋدىڭ سوڭعى نۇكتەسىن قويدى. ەسەپ – 3:0. وسى­لايشا، الماتىلىقتار فينالعا شىقتى.

تاعى ءبىر ايتا كەتەرلىگى، ويىننىڭ 70-مي­نۋتىندا «قايراتتىڭ» ساپىنداعى سەر­بيالىق لەگيونەر رادە دۋگاليچ الاڭنان قۋىلسا، 80-مينۋتتا «استانانىڭ» جارتىلاي قورعاۋشىسى مەيرامبەك قالمىرزاعا دا قىزىل قاعاز كورسەتىلدى.

سوڭعى جاڭالىقتار

ۇقساس جاڭالىقتار