بۇگىن تاڭعى ساعات 05:30 شاماسىندا رۋدنىي-قوستاناي اۆتوجولىندا 29 جاستاعى ماس جۇرگىزۋشىسى BMW ماركالى كولىگىن باسقارا الماي, جولدىڭ قارسى بەتىنە شىعىپ, 31 جاستاعى جۇرگىزۋشى باسقارىپ وتىرعان Audi اۆتوكولىگىمەن سوقتىعىستى.
جول-كولىك وقيعاسىنىڭ سالدارىنان BMW جۇرگىزۋشىسى مەن ءبىر جولاۋشى ءتۇرلى جاراقات الىپ, اۋرۋحاناعا جاتقىزىزىلدى. Audi جۇرگىزۋشىسى مەن ءبىر جولاۋشىسى سول جەردە كوز جۇمدى, تاعى ەكى جولاۋشى اۋرۋحاناعا جاتقىزىلدى.
وسى فاكتى بويىنشا رۋدنىي قالاسىنىڭ پوليتسيا باسقارماسى قر قك-نىڭ 345-بابى 4-بولىمىنە سايكەس سوتقا دەيىنگى تەرگەۋدى باستادى. «BMW جۇرگىزۋشىسى رۋدنىي قالاسىنىڭ ۋاقىتشا ۇستاۋ يزولياتورىنا قامالدى.
قوستاناي وبلىسىنىڭ پوليتسيا دەپارتامەنتى جۇرگىزۋشىلەردى جولدا ءجۇرۋ ەرەجەلەرىن قاتاڭ ساقتاۋعا شاقىرادى. جىلدىڭ باسىنان بەرى 1 400 جۇرگىزۋشى ماس كۇيدە كولىك ايداعان, 87 جۇرگىزۋشى كولىك جۇرگىزۋ قۇقىعىنان ايىرىلعان بولىپ شىقتى. ولارعا قاتىستى قر قك-نىڭ 346-بابى بويىنشا قىلمىستىق ءىس قوزعالعان», دەلىنگەن حابارلامادا.
