بۇل تۋرالى پولشانىڭ شەكارا كۇزەتىنىڭ رەسمي وكىلى اننا ميحالسكايا جۋرناليستەرگە ايتىپ بەردى.
ء«تورت سارباز زارداپ شەكتى. ولارعا بوسقىندار لاقتىرعان تاستار ءدوپ تيگەن. سونىڭ سالدارىنان جەڭىل جاراقاتتار العان», دەدى ميحالسكايا.
وتكەن اپتادا بەلارۋس پەن پولشا شەكاراسىنداعى ورمان بەلدەۋىندە بوسقىنداردىڭ, نەگىزىنەن كۇردتەردىڭ ستيحيالىق لاگەرى قۇرىلدى, ولاردىڭ سانى 2 مىڭنان استى. وسى دۇيسەنبىدە بوسقىندار تىكەلەي بەلارۋس-پولشا شەكاراسىنداعى وتكىزۋ پۋنكتىنە جەتتى, ال سەيسەنبى كۇنى ولار شەكارانى بۇزۋعا تىرىستى, بىراق پولياك قاۋىپسىزدىك كۇشتەرى بوسقىنداردى ارنايى قۇرالداردىڭ كومەگىمەن توقتاتتى.
جاقىندا ليتۆا, لاتۆيا جانە پولشا بەلارۋس مەملەكەتىمەن شەكارادا تاياۋ شىعىس پەن افريكا ەلدەرىنەن ۇستالعان زاڭسىز ميگرانتتار سانىنىڭ وسكەنىن حابارلاپ, مينسكىنى كوشى-قون داعدارىسىن جاسادى دەپ ايىپتاعان ەدى.
