ايماقتار • 19 قاراشا, 2021

ماينينگ فەرماسى كەGوس ەلەكتر جەلىسىنە زاڭسىز قوسىلعان

280 رەت

كورسەتىلدى

1 مين

وقۋ ءۇشىن

اتومدىق جانە ەنەرگەتيكالىق قاداعالاۋ جانە باقىلاۋ كوميتەتىنىڭ قىزمەتكەرلەرى اقمولا وبلىسىندا ماينينگ فەرماسى KEGOS جەلىلەرىنە زاڭسىز قوسىلعانىن انىقتادى. كومپانياعا قاتىستى باقىلاۋ شارالارى باستالدى, دەپ حابارلايدى Egemen.kz.

گاۋھار قاپاش

ماينينگ فەرماسى كەGوس ەلەكتر جەلىسىنە زاڭسىز قوسىلعان

بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى ءمالىم ەتتى.

«بيىلعى جىلدىڭ 18 قاراشاسىندا نۇر-سۇلتان قالاسىندا اتوم جانە ەنەرگەتيكالىق قاداعالاۋ مەن باقىلاۋ كوميتەتىنىڭ قىزمەتكەرلەرى جشس-ءنىڭ بىرىنە تيەسىلى ماينينگ فەرماسىنىڭ KEGOS جەلىلەرىنە زاڭسىز قوسىلعانىن انىقتادى», دەپ حابارلادى مينيسترلىكتەن.

ماينينگ فەرماسى تسيفرلىق دامۋ سالاسىنداعى ۋاكىلەتتى ورگاندى ءوز قىزمەتى تۋرالى حاباردار ەتپەستەن قىزمەتتى جۇزەگە اسىرعانى ايتىلدى.

كوميتەت «KEGOC» اق-قا قاتىستى باقىلاۋ جۇمىستارىن باستادى.

«ەنەرگيا تاسىمالداۋشى ۇيىمداردىڭ نازارىن ماينينيگ فەرمالاردىڭ ەلەكتر جەلىلەرىنە قوسۋعا جول بەرىلمەيتىنىنە جانە زاڭناماعا سايكەس ءاربىر دەرەك بويىنشا ارەكەت ەتۋ شارالارى قابىلدانىپ, ەلەكتر ەنەرگياسى شەگىندە ءتيىستى ايىپپۇلدار قولدانىلاتىنىنا نازار اۋدارامىز.

ەنەرگەتيكا مينيسترلىگى مەملەكەتتىك ورگاندارمەن جانە ەنەرگەتيكالىق كاسىپورىندارمەن بىرلەسە وتىرىپ, زاڭدى بۇزاتىن ماينينيگ فەرمالاردى انىقتاۋ جانە ەلەكتر جەلىلەرىنەن اجىراتۋ جۇمىستارىن جالعاستىرادى», دەپ تولىقتىردى مينيسترلىك.

«زاڭ تالاپتارىن ورىنداعان ماينينيگ فەرمالارعا ەلەكتر ەنەرگياسىنان شەكتەۋلەر مەن اجىراتۋلار بولمايدى. ءوز كەزەگىندە كەنشىلەردىڭ ورتالىقتارى ەلىمىزدىڭ ەنەرگەتيكالىق قاۋىپسىزدىگىنە نۇقسان كەلتىرمەي ءوز قىزمەتىن جۇزەگە اسىرۋى كەرەك», دەدى باسقارما باسشىسى.