الەم • 19 قاراشا, 2021

جىرتقىش جانۋارلاردى تسيركتە ويناتۋعا تىيىم سالىندى

782 رەت

كورسەتىلدى

1 مين

وقۋ ءۇشىن

فرانتسيا پارلامەنتى جابايى جانۋارلاردى ساتىپ الۋعا, وسىرۋگە جانە تسيركتەرگە ساتۋعا تىيىم سالاتىن جانۋارلار قۇقىعىن قورعاۋ تۋرالى جاڭا زاڭدى ماقۇلدادى, دەپ حابارلايدى Egemen.kz.

گاۋھار قاپاش

جىرتقىش جانۋارلاردى تسيركتە ويناتۋعا تىيىم سالىندى

Deutsche Welle باسىلىمىنىڭ مالىمەتىنشە, 2020 جىلدان بەرى تالقىلانىپ جاتقان زاڭناما ارىستان, جولبارىس جانە ايۋ سياقتى جابايى جانۋارلار پايدالاناتىن شوۋلارعا تىيىم سالادى جانە 2024 جىلى كۇشىنە ەنەدى.

سونداي-اق جابايى جانۋارلاردى تەلەباعدارلامالاردا, تۇنگى كلۋبتاردا جانە جەكە كەشتەردە پايدالانۋعا, تەرىسى ءۇشىن كۇزەن وسىرۋگە دە زاڭ بويىنشا تىيىم سالىناتىنى ايتىلدى.

سونىمەن قاتار جاڭا زاڭ جانۋارلارعا قاتىگەزدىك جاساعانى ءۇشىن ەڭ جوعارى جازانى بەس جىلعا باس بوستاندىعىنان ايىرۋعا جانە 75 000 ەۋروعا (36 ميلليون تەڭگە) ايىپپۇل سالۋعا دەيىن كوتەرەدى.

فرانتسيا پرەزيدەنتى ەممانۋەل ماكروننىڭ ورتالىق پارتياسى «قوزعالىستاعى رەسپۋبليكا» (LREM) بۇل زاڭدى جانۋارلار قۇقىعىنداعى تاريحي قادام دەپ اتادى. ساۋالنامالار فرانتسياداعى ادامداردىڭ كوپشىلىگى جابايى تسيرك جانۋارلارىن پايدالانۋعا تىيىم سالۋدى قولدايتىنىن كورسەتتى.

الايدا كوشپەلى تسيرك يەسى جانە تسيرك جانۋارلارىن جاتتىقتىرۋشىلار فرانتسۋز كاسىپوداق ۇيىمىنىڭ جەتەكشىسى ۋيليام كەرۆيچ ونىڭ مۇشەلەرى سوتقا شاعىمدانىپ, نارازىلىق بىلدىرەتىنىن ايتتى. ايتا كەتەيىك, فرانتسيادا 120-عا جۋىق تسيرك بار.