دۇنيەجۇزىلىك رەيتينگتە 259-ورىندا تۇرعان ت.سكاتوۆ جۇلدە قورى 50 مىڭ اقش دوللارىنان اساتىن جارىستىڭ باستاپقى باسەكەسىندە ارگەنتينالىق رەنتسو وليۆامەن كەزدەستى. الەمنىڭ 186-راكەتكاسى سانالاتىن وڭتۇستىكامەريكالىق تەننيسشى جەرلەسىمىزگە ايتارلىقتاي قارسىلىق كورسەتكەنىمەن, سكاتوۆ ەكى سەتكە سوزىلعان باسەكەدە 6:3, 7:6 (7:3) ەسەبىمەن باسىم ءتۇستى. كەزدەسۋ ەكى ساعاتتان اسا ۋاقىتقا جالعاستى.
قازاقستاندىق تەننيسشى ەكىنشى اينالىمدا دۇنيەجۇزىلىك رەيتينگتە 263-ساتىدا ورنالاسقان تاعى ءبىر ارگەنتينالىق اندرەا كوللارينيمەن وينادى. بۇل ماتچ تا تارتىستى ءوتىپ, ەكى ساعاتقا سوزىلدى. ت.سكاتوۆ قارسىلاسىن 7:6 (7:2), 6:2 ەسەبىمەن تىزە بۇكتىردى. ول باسەكە بارىسىندا 3 ەيس جاساپ, 10 برەيك-پوينتتىڭ تورتەۋىن پايدالانا ءبىلدى. ا.كوللاريني 2 ەيس, 2 برەيكتەن اسا المادى.
ت.سكاتوۆ جارتىلاي فينالعا شىعۋ ءۇشىن الەمنىڭ 94-راكەتكاسى, برازيليالىق تياگو مونتەيرومەن كەزدەسەدى.
