«جانار-جاعارماي باعاسى رەتتەلمەيدى. رەتتەۋ مۇمكىن ەمەس. بيىل ديزەل وتىنى تاپشى. ونىڭ ءبىر سەبەبى – كورشى ەلدەرمەن سالىستىرعاندا باعاداعى ايىرماشىلىق. باعا بويىنشا قازىر جۇيەلى وزگەرىستەردى ازىرلەپ جاتىرمىز جانە ەڭ ماڭىزدىسى مىنادا:
- بىرىنشىدەن, قازىر ءۇش مۇناي وڭدەۋ زاۋىتىندا جوسپارلى جانە جوسپاردان تىس جوندەۋ جۇمىستارى جۇرگىزىلىپ جاتىر, ولاردىڭ شارتتارىن انىقتاۋ كەرەك;
- ەكىنشىدەن, ماتەريالدىق-تەحنيكالىق رەزەرۆ بازانى قالىپتاستىرۋ;
- ۇشىنشىدەن, جانار-جاعارمايدى باقىلاۋ, ءاربىر مۇناي بازاسىندا ءتيىستى قۇرال-جابدىقتارمەن جاراقتاندىرۋ قاجەت», دەدى سەناتورلار ساۋالدارىنا جاۋاپ بەرگەن ەنەرگەتيكا ءمينيسترى.
ماعزۇم مىرزاعاليەۆ جىل اياعىنا دەيىن جاريالانعان جوسپارلار بويىنشا ءتيىستى وزگەرىستەر ەنگىزىلەتىنىن ايتتى.
