سەيسەنبىدە جاريالانعان مالىمدەمەدە بۇل پرەپاراتتى وندىرۋگە ليتسەنزيا بەرۋ – ونى الەم حالقىنىڭ 53%-ى تۇراتىن 95 ەلدە شىعارۋعا مۇمكىندىك بەرەتىنى كورسەتىلگەن.
رەسەي Pfizer كومپانياسىنا 90 ەرىكتىگە كلينيكالىق سىناقتار جۇرگىزۋگە رۇقسات بەردى, دەپ حابارلادى ءدارى-دارمەكتەردىڭ مەملەكەتتىك تىزىلىمىندە.
«باستاپقىدا ءبىز بۇل ءدارى-دارمەكتى تەك قاۋىپ توبىندا تۇرعان ادامدار ءۇشىن قولدانۋ كەرەك دەپ ويلايمىز. ماقساتى – ولاردىڭ اۋرۋحاناعا تۇسۋىنە جانە اۋرۋدىڭ اۋىر وتۋىنە جول بەرمەۋ. سوندىقتان پرەپاراتتى العاشقى بەلگىلەر پايدا بولعاننان كەيىن بىردەن قابىلداۋ كەرەك», دەدى پاتەنتتىك پۋل وكىلى ەرۆە ۆەرحۋسەل.
نيدەرلاند تۇرعىندارىنىڭ كوپشىلىگى سانيتارلىق رۇقساتنامالار تەك اۋىرىپ شىققان نەمەسە ۆاكتسيناتسيادان وتكەن ادامدارعا بەرىلەتىن جۇيەنى ەنگىزۋدى قولدايدى. مۇنداي دەرەكتەردى سەيسەنبى كۇنى نيدەرلاندتىق باق I & O Research كومپانياسىنىڭ زەرتتەۋىنە سىلتەمە جاساي وتىرىپ ۇسىندى. قوعامدىق دەنساۋلىق ساقتاۋ ينستيتۋتى ءبىر اپتا ىشىندە وڭ ناتيجە كورسەتكەن تەستىلەردىڭ سانى 44%-عا ارتقانىن, بۇل پاندەميا باستالعاننان بەرگى ەڭ جوعارى كورسەتكىش ەكەنىن ايتتى. كوروناۆيرۋس جۇقتىرعان ناۋقاستاردى اۋرۋحاناعا جاتقىزۋ سانى 12%-عا ءوستى.
حورۆاتيادا مەملەكەتتىك مەكەمەلەرگە باراتىنداردىڭ بارلىعى ەندى سانيتارلىق رۇقساتنامالارىن كورسەتۋى ءتيىس. وسى ۋاقىتقا دەيىن بۇل تالاپ تەك دەنساۋلىق ساقتاۋ جانە الەۋمەتتىك قامسىزداندىرۋ سالا قىزمەتكەرلەرى ءۇشىن عانا مىندەتتى بولدى.
ۋكراينادا سەيسەنبى كۇنى كوروناۆيرۋستان بولعان ءولىم سانى جاڭا انتيرەكورد ورناتتى. پرەزيدەنت ۆلاديمير زەلەنسكي جەلتوقساننان باستاپ ەكپە جاساتقانداردىڭ ارقايسىسىنا 1000 گريۆەن (33 ەۋرو) تولەۋگە ۋادە بەردى.
