قازاقستان تەننيس فەدەراتسياسىنىڭ ءباسپاسوز قىزمەتى تاراتقان مالىمەت بويىنشا, وسكەمەندەگى ءتۋرنيردىڭ جەكەلەي جانە جۇپتىق سىنىندا قازاقستاندىق قىزدار ۇزدىك شىقتى. جەكەلەي جارىستىڭ فينالىندا ساندۋعاش كەنجەباەۆا مەن رەسەيلىك ەليزاۆەتا ماسنايا باس جۇلدەنى ساراپقا سالدى. جارىس بارىسىندا ماسنايا قازاقستاندىق اپالى-ءسىڭلىلى ارىستانبەكوۆالاردى جانە ارۋجان ساعىندىقوۆانى جولدان تايدىرعان بولاتىن. اسىرەسە, 3 ساعات 11 مينۋتقا سوزىلعان جارتىلاي فينالدىق ماتچتا اسىلجان ارىستانبەكوۆانى جەڭگەن ەدى. ال كەنجەباەۆا جارتىلاي فينالدا وتانداسى دانا بايداۋلەتپەن 2 ساعات 41 مينۋت وينادى. دەگەنمەن سوڭعى باسەكەدە س.كەنجەباەۆا ە.ماسنايادان 6:3, 6:4 ەسەبىمەن باسىم ءتۇسىپ, چەمپيوندىق اتاقتى جەڭىپ الدى.
جۇپتىق سىندا فينالدا قازاقستاندىق تەننيسشىلەر ءوزارا كىم مىقتىنى انىقتادى. وسى دودانىڭ ءبىرىنشى راكەتكالارى ارۋجان ساعىندىقوۆا مەن دانا بايداۋلەت اسەم شويبەك پەن ستەفانيا شالاحوۆانى 6:1, 6:1 ەسەبىمەن تىزە بۇكتىردى.
