بۇل عالىمداردى قولداۋعا باعىتتالعان العاشقى اۋقىمدى سىياقى. وتىنىمدەردى قابىلداۋ 15 قاراشا باستالدى.
كونكۋرستىڭ ماقساتى – وتاندىق عىلىمنىڭ دامۋىنا ەلەۋلى ۇلەس قوسقان عالىمدار مەن عىلىمي قىزمەتكەرلەردىڭ ەڭبەگىن كوتەرمەلەۋ بولىپ تابىلادى.
كونكۋرستىڭ ماقساتى – وتاندىق عىلىمنىڭ دامۋىنا ەلەۋلى ۇلەس قوسقان عالىمدار مەن عىلىمي قىزمەتكەرلەردىڭ ەڭبەگىن كوتەرمەلەۋ بولىپ تابىلادى.
«قازىرگى تاڭدا وتاندىق عىلىم سالاسىندا دامۋدىڭ جاڭا ساپالى كەزەڭى بايقالادى. عالىمدارىمىزدىڭ ازىرلەمەلەرى الەمدىك نارىققا شىعۋدا. جاقىندا عانا ءبىز 14 قازاقستاندىق عىلىمي ازىرلەمەنىڭ قىتاي, رەسەي, تۇركيا, گرۋزيا, چەحيا جانە قىرعىزستانعا ەكسپورتقا شىعارىلاتىنى تۋرالى مالىمدەگەن ەدىك. مەملەكەت باسشىسىنىڭ تاپسىرماسى بويىنشا مينيسترلىك عالىمدار مەن عىلىمي ۇيىمداردىڭ, جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قىزمەتكەرلەرىن جان-جاقتى قولداۋ ماسەلەلەرىنە نازار اۋدارادى. قازاقستاندىق عالىمداردى ىنتالاندىرۋ جانە عىلىمي قىزمەتتىڭ بەدەلىن ارتتىرۋ بويىنشا شارالار ازىرلەنىپ, ىسكە اسىرىلىپ جاتىر. بيىل مينيسترلىك العاش رەت ەلىمىزدىڭ ۇزدىك عالىمدارىنا 50 سىياقى بەرەتىن بولادى. ولاردىڭ ارقايسىسى شامامەن 6 ميلليون تەڭگەدەن الاتىن بولادى. عىلىمي جەتىستىكتەردى باعالاۋ بويىنشا بارلىق كريتەري عىلىمي جانە ساراپشىلار قاۋىمداستىعىمەن بىرلەسىپ, ازىرلەندى. بايقاۋ كوميسسياسىنىڭ قۇرامىنا ەلىمىزدىڭ ءتۇرلى باعىتتا قىزمەت ەتەتىن جەتەكشى عالىمدارى مەن عىلىمي قوعامدىق بىرلەستىكتەردىڭ وكىلدەرى كىردى», دەدى بعم عىلىم كوميتەتىنىڭ ءتورايىمى جاننا قۇرمانعاليەۆا.
كونكۋرسقا قاتىسۋعا وتىنىمدەر مينيسترلىكتىڭ اقپاراتتىق جۇيەسى ارقىلى ەلەكتروندىق فورماتتا 15 جەلتوقسانعا دەيىن قابىلدانادى. ۇمىتكەرلەردىڭ عىلىمي جەتىستىكتەرى عىلىمي دارەجەسى, عىلىمي اتاعى, عىلىمي جاريالانىمدارى مەن مونوگرافيالارىنىڭ بولۋى, عىلىمي جوبالار مەن باعدارلامالارعا باسشىلىق جاساۋ سياقتى كريتەريلەر بويىنشا باعالاناتىن بولادى. بۇل رەتتە ۇمىتكەر سوڭعى جىلى ۋنيۆەرسيتەتتە كەمىندە ءبىر ءپاندى جۇرگىزىپ, سونداي-اق سوڭعى 3 جىلدا PhD فيلوسوفيا دوكتورى عىلىمي دارەجەسى بار كادرلاردى دايارلاۋى جانە عىلىم ماسەلەلەرى جونىندەگى كونسۋلتاتسيالىق ورگانداردىڭ جۇمىسىنا قاتىسۋى مىندەتتى. سونىمەن بىرگە بايقاۋعا قاتىسۋشى عىلىمي ازىرلەمەلەرىنىڭ وندىرىسكە ەنگىزىلۋى بويىنشا ناتيجەلەرىن ۇسىنۋى قاجەت.
