«ەلورداعا 35 100 دوزا Pfizer ەكپەسى جەتكىزىلدى. اتالعان ۆاكتسينانى جۇكتى, ەمىزۋلى انالار جانە 12 جاسقا تولعان جاسوسپىرىمدەردىڭ سالدىرۋىنا بولادى. بۇگىندە قالادا 5 مىڭ جۇكتى ايەل جانە 28 مىڭ ەمىزۋلى انا بار. سونداي-اق, 63 مىڭ ءجاسوپىرىم بار (12-17 جاس ارالىعىندا). Pfizer ەكپەسىن قانشا ادام الۋ كەرەكتىگىنە قاتىستى ءتىزىم جاسالىپ, مەديتسينا مەكەمەلەرىنە حابارلاما جىبەرىلدى. مەكتەپكە كەلسەك, بۇگىندە اتا-انالارمەن ءتۇسىندىرۋ جۇمىستارى ءوتىپ جاتىر. ياعني اتا-انالارمەن سىنىپ ساعاتتارى, كەزدەسۋ تاعى باسقا شارالار. قازىر ۆاكتسينا سالدىرۋعا دايىن مەكتەپتەر بار, ونىڭ ءتىزىمىن كەيىن بەلگىلى بولادى. كەيبىر مەكتەپ باسشىلارى وقۋشىلاردىڭ ۆاكتسينا الۋ پروتسەسىن كوپشىلىككە جاريا ەتكەنىن قالامايدى», دەدى ايگەرىم ارداق تىلشىلەردىڭ سۇراعىنا جاۋاپ بەرە تۇرىپ.
ونىڭ ايتۋىنشا, جاسوسپىرىمدەرگە ۆاكتسينا سالار الدىندا اتا-انانىڭ رۇقساتى بولۋى مىندەتتى.
«Pfizer ەكپەسى تەك مەديتسينالىق مەكەمەلەردە, ەمحانالاردا جانە مەكتەپتە سالىنادى. ويىن-ساۋىق جانە ساۋدا ورتالىقتارىندا اتالعان ۆاكتسينا بولمايدى. Pfizer ەكپەسىنىڭ ءبىر فلاكونىن 6 ادامعا ەگۋگە بولادى. بىزگە ۆاكتسينا العىسى كەلىپ حابارلاسىپ جاتقان جۇكتى جانە ەمىزۋلى انالاردىڭ قاتارى كوپ. ءوز كەزەگىمىزدە كەلىپ تۇسكەن وتىنىشتەردى ماماندارعا جىبەرىپ, كەڭەس بەرىلىپ جاتىر» دەيدى ول.
ايتا كەتەيىك, بۇگىن ەلوردا دا Pfizer ۆاكتسيناسىن سالۋ پروتسەسى باستالدى. العاش بولىپ 17 جاسار استانالىق ءجاسوسپىرىم سالعىزدى.
