تۇرعىن ءۇي الۋ شارتتارى
جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ قاعيدالارى «مەملەكەتتىك جاستار ساياساتى تۋرالى» 2015 جىلعى 9 اقپانداعى قازاقستان رەسپۋبليكاسىنىڭ زاڭى 6-بابىنىڭ 12-1 تارماقشاسىنا سايكەس ازىرلەندى جانە جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ ءتارتىبىن ايقىندايدى.
29 جاسقا تولماعان, جالپى ءبىلىم بەرەتىن مەكتەپتەردىڭ, تەحنيكالىق, كاسىپتىك جانە ورتا بىلىمنەن كەيىنگى, جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ ءبىلىم بەرەتىن وقۋ باعدارلامالارىن مەڭگەرگەن جانە ەڭبەك قىزمەتىن جۇزەگە اسىرىپ جۇرگەن قازاقستان رەسپۋبليكاسىنىڭ ازاماتتارى قاتىسادى.
الماتى قالاسىندا سوڭعى 2 جىلدان كەم ەمەس تۇراقتى تىركەلۋىن راستاۋ (تۇرعىن ءۇيدى الماتى قالاسىنان جالعا الۋعا ۇمىتتەنەتىن ادامدار ءۇشىن).
ورنالاسقان جەرى بويىنشا جەرگىلىكتى اتقارۋشى ورگاننىڭ ءتيىستى انىقتاماسىمەن راستالاتىن اۆاريالىق جاعدايداعى, قۇلاۋ قاۋپى بار تۇرعىن ءۇيدى قوسپاعاندا, ءوتىنىش بەرۋشىنىڭ, جۇبايىنىڭ جانە كامەلەتكە تولماعان بالالارىنىڭ ءوتىنىش بەرۋ الدىندا 2 جىل ىشىندە قازاقستان رەسپۋبليكاسى بويىنشا مەنشىك قۇقىعىنداعى تۇرعىن ءۇيدىڭ, ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ جوقتىعىن راستاۋ.
وتىنىشتەردى جانە قۇجاتتاردى بەرۋ وسى سايت ارقىلى جۇزەگە اسىرىلادى. قابىلداۋ پورتالىندا اۆتوريزاتسيا ەلەكتروندىق تسيفرلىك قولتاڭبا ارقىلى جۇرگىزىلەدى. ونى حقو-دان الۋعا بولادى.
ساتىپ الۋ قۇقىعىنسىز جالعا بەرىلەتىن تۇرعىن ءۇي 5 جىل مەرزىمگە بەرىلەدى.
جالعا بەرۋ اقىسى قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى توراعاسىنىڭ 2011 جىلعى 26 تامىزداعى № 306 بۇيرىعىمەن بەكىتىلگەن مەملەكەتتىك تۇرعىن ءۇي قورىنداعى تۇرعىن ءۇيدى پايدالانعانى ءۇشىن تولەماقى مولشەرىن ەسەپتەۋ ادىستەمەسىنە سايكەس انىقتالادى.
تۇرعىن ءۇي قايدا ورنالاسقان
ساتىپ الۋ قۇقىعىنسىز جالعا بەرىلەتىن تۇرعىن ءۇي الماتى قالاسىندا بەرىلەدى. 1050 پاتەر ناۋرىزباي اۋدانىنىڭ «الما سيتي-5» تك جانە الاتاۋ اۋدانىنىڭ «مادەنيەت» تك ورنالاسقان.
جالعا بەرۋ اقىسى قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى توراعاسىنىڭ 2011 جىلعى 26 تامىزداعى № 306 بۇيرىعىمەن بەكىتىلگەن مەملەكەتتىك تۇرعىن ءۇي قورىنداعى تۇرعىن ءۇيدى پايدالانعانى ءۇشىن تولەماقى مولشەرىن ەسەپتەۋ ادىستەمەسىنە سايكەس انىقتالادى.
قاجەتتى قۇجاتتار
- ەرەجەدەگى قوسىمشاعا سايكەس فورما بويىنشا ءوتىنىش ء(وتىنىمدى تولتىرعان سوڭ ءوزى قۇرىلادى);
- بەرۋشىنىڭ جانە ەرلى-زايىپتىلاردىڭ (بار بولسا) جەكە باسىن كۋالاندىراتىن سكانەرلەنگەن قۇجات;
- ءبىلىم تۋرالى سكانەرلەنگەن قۇجاتى (ديپلوم, سەرتيفيكاتتار);
- نەكە قيۋ تۋرالى سكانەرلەنگەن كۋالىك (بار بولسا);
- بالالاردىڭ سكانەرلەنگەن تۋ تۋرالى كۋالىگى (بار بولسا);
- قازاقستان رەسپۋبليكاسى بويىنشا ءوتىنىش بەرۋشىگە جانە وتباسىنىڭ بارلىق مۇشەلەرىنە جىلجىمايتىن م ۇلىكتىڭ جوق (بار) ەكەندىگى تۋرالى انىقتاما;
- جۇمىس ورنىنان سكانەرلەنگەن انىقتاما, سونداي-اق, جەكە كاسىپكەرلىك جۇرگىزگەن جاعدايدا جەكە كاسىپكەرلىكتىڭ تىركەلۋى تۋرالى كۋالىك;
- ءوتىنىش بەرۋشىنىڭ اي سايىنعى تابىسىن كەمىندە 40 (قىرىق) ايلىق ەسەپتىك كورسەتكىش مولشەرىندە راستايتىن سوڭعى التى اي ىشىندەگى تابىسى تۋرالى سكانەرلەنگەن انىقتاماسى;
- قازاقستان رەسپۋبليكاسى ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن سكانەرلەنگەن قۇجاتتارى (بيۋدجەتتىك ۇيىمدا ءوتىلدى راستاۋ ءۇشىن ەڭبەك كىتاپشانىڭ سكانەرلەنگەن بەتتەرىن نەمەسە ءوتىلدى راستاتىن انىقتامانى جۇكتەۋ كەرەك بولادى);
- ەكىنشى دەڭگەيلى بانكتەردىڭ جيناق شوتتارىنداعى (دەپوزيتتەرىندەگى) جيناقتاردىڭ بولۋى جانە ءنومىرى تۋرالى انىقتاما جانە بانكتىك شوت بويىنشا اقشانىڭ قالدىعى جانە قوزعالىسى تۋرالى سكانەرلەنگەن ءۇزىندى;
- ءوتىنىش بەرۋشىنىڭ ءتۇرلى قىزمەت سالالارىنداعى جەكە جەتىستىكتەرىن راستايتىن سكانەرلەنگەن قۇجاتتارى (كاسىبي سالاداعى جەتىستىكتەر ەسكەرىلۋى قاجەت. مىسالى, ديپلومدار, ماراپاتتار جانە باسشىلىقتىڭ العىس حاتتارى).
- سوڭعى 2 جىل ارالىعىندا الماتى قالاسى ايماعىندا تىركەۋ ورنى وزگەنگەن جاعدايدا, كوشى-قون ورگاننان 2-جىلدىق تىركەۋدى راستايتىن سكانەرلەنگەن قۇجات جۇكتەلىنۋ كەرەك (پوليتسيانىڭ كوشى-قون باسقارماسى).
قوسىمشا: ءوتىنىش بەرۋشىنىڭ ءوزى نەمەسە وتباسىنىڭ مۇشەسى سوزىلمالى اۋرۋمەن اۋىراتىن نەمەسە 1-2 دارەجەلى مۇگەدەكتىك مارتەبەسى بار بولعان جاعدايدا, وعان قوسا مۇگەدەك-بالالاردى تاربيلەيتىن وتباسىلار قوسىمشا الەۋمەتتىك مارتەبەسىن كورسەتىپ, وعان راستايتىن قۇجاتتاردى جۇكتەۋ كەرەك. كونكۋرس بويىنشا وتكەن جاعدايدا پاتەردى تالابى بويىنشا ءبىرىنشى نەمەسە ەكىنشى قاباتتا جالعا الۋعا بولادى.
ءوتىنىش بەرۋشى قاعيدالاردىڭ 5-تارماعىندا كوزدەلگەن تىزبەگە سايكەس قۇجاتتار پاكەتىن تولىق ۇسىنباعان جاعدايدا, ءوتىنىش بەرۋشىگە 1 ء(بىر) جۇمىس كۇنى ىشىندە جوق قۇجاتتاردى پورتال ارقىلى قوسىمشا ۇسىنۋعا مۇمكىندىك بەرىلەدى.
