مامانداردىڭ سوزىنشە, ۆاكتسينا الدىمەن 16 جاستان 18 جاسقا دەيىنگى جاسوسپىرىمدەرگە سالىنادى. بۇل ءوز كەزەگىندە بالالار اراسىنداعى اۋرۋ كورسەتكىشىن تومەندەتەدى.
ماسەلەن, جىل باسىنان بەرى ىندەت جۇقتىرۋ دەرەگى 142 مەكتەپتە تىركەلگەن. كوۆيدكە شالدىققان 392 وقۋشىنىڭ 314- ءى ساباق كەزىندە جۇقتىرعان. ال, 78-ءى جازعى دەمالىستا اۋىرعاندار. 214 سىنىپ 14 كۇندىك كارانتينگە جابىلعان. ايتا كەتەيىك, قازىر وڭىردە مىڭعا جۋىق مەكتەپ بار.
«وبلىستا 150 ەكپە پۋنكتى, 80 جىلجىمالى بريگادا بار. سول 80 بريگادا ەرتەڭگى كۇنى قاي مەكتەپ دايىن دەسە, كەستە بويىنشا سول مەكتەپكە بارادى. مامانداندىرىلعان ءارى رۇقساتناماسى بار مەدبيكەلەر سول مەكتەپتەپتەردە ۆاكتسينا سالادى. ال, ەندى اتا-اناسى مەكتەپكە ەمەس, ەمحاناعا اپارامىن دەسە اپارا الادى. ول - وزدەرىنىڭ قۇقىعى», دەيدى وبلىستىق قوعامدىق دەنساۋلىق باسقارماسىنىڭ باسشىسى نۇرحان نۇرىمبەتوۆا.
Pfizer ەكپەسى سونداي-اق, جۇكتىلىكتىڭ 16 اپتاسىنان باستاپ 37 اپتاسىنا دەيىن, لاكتاتسيا كەزەڭىندەگى ايەلدەردە – بوسانعاننان كەيىنگى كەزەڭ اياقتالعاننان كەيىن سالىنادى. بۇگىنگى تاڭعا دەيىن وڭىردە وسى توپتاعى 600-دەن اسا ايەل ۆاكتسينا قابىلداۋعا ءوتىنىش بىلدىرگەن.
«ەكپە دوزاسى مۇزداتقىش قۇرىلعىلاردا -60-تان -90 گرادۋسقا دەيىنگى تەمپەراتۋرا رەجيمىندە قويمادا ساقتالادى. 12 جاستان 18 جاسقا دەيىنگى جاسوسپىرىمدەردى ۆاكتسينالاۋ ءبىلىم ۇيىمدارىنىڭ ەگۋ بولمەلەرىندە جانە ەمحانالاردا جۇرگىزىلەدى», دەدى وبلىستىڭ باس سانيتاريا دارىگەرىنىڭ ورىنباسارى باقتىوراز ەلەمەسوۆ.
