«ۆاكتسينانى اكەلەردە تەمپەراتۋرالىق رەجيمنىڭ بارلىق شارتىنىڭ ساقتالۋىن باقىلاۋدا ۇستادىق. بارلىق قوراپ زاۋىتتان شىققاننان باستاپ قويماعا دەيىنگى ارالىقتا تەمپەراتۋرالىق داتچيكتەرمەن جابدىقتالدى», دەپ اتاپ ءوتتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.
ۆاكتسيناتسيالاۋ ءبىرىنشى كەزەكتە مەديتسينالىق مەكەمەلەردە, ودان كەيىن مەكتەپتەر مەن جوو-دا جۇرگىزىلەدى.
«بارلىعى 35100 دوزا كەلدى. ياعني ول ءبىرىنشى جانە ەكىنشى كومپونەنتتەن تۇرادى. ادەتتەگىدەي ەكىگە بولىنەدى. ۆاكتسيناتسيالاۋ ارالىعى 21-28 كۇندى قۇرايدى», دەدى ءاليا رۇستەموۆا.
Comirnaty ەكپەسى – امەريكالىق Pfizer كومپانياسى مەن گەرمانيانىڭ BioNTech تەحنولوگيالىق كومپانياسى شىعارعان رنق-عا نەگىزدەلگەن ماتريتسالىق ۆاكتسينانىڭ (مرنق) ساۋدا اتاۋى. ۆاكتسيناتسيا كۋرسى 21-28 كۇن ارالىعىمەن ەنگىزىلەتىن ەكى دوزانى قامتيدى.
Comirnaty – قازاقستاندا تىركەلگەن التىنشى ۆاكتسينا.
