اتالعان سپورت جارىسىندا قىرعىزستان, تۇركىمەنستان, وزبەكستان سىندى ازيا ەلدەرىمەن قاتار, كورشىلەس رەسەي ەلىنىڭ سپورتشىلارى دا باق سىناستى.
سايا اۋەلبەكوۆا سپورتپەن 17 جاسىنان باستاپ اينالىسىپ كەلەدى. بۇگىنگە دەيىن جەتكەن جەتىستىكتەرى دە از ەمەس: ەركىن كۇرەستەن سپورت شەبەرى, سامبو بويىنشا سپورت شەبەرىنە ۇمىتكەر.
«بۇل – جەكپە-جەكتەن جارىسقا ءبىرىنشى شىعۋىم. وسى جارىستا ۇلكەن تاجىريبە الىپ, ءوزىمدى جاڭا قىرىمنان تاني باستادىم. بۇل سايىس ماعان الەم چەمپيوناتىنا جولداما بەردى جانە مەنىڭ جاڭا جەتىستىكتەرىمنىڭ باستاۋى بولادى دەپ ۇمىتتەنەمىن. كوماندير جانىبەك مۇحامەدجانوۆقا ۇلكەن راقمەت, ونىڭ جارىسقا دايىنداۋداعى ەرەكشە نازارىنىڭ ارقاسىندا جوعارى كورسەتكىشتەرگە قول جەتكىزىپ كەلەمىز», دەيدى جىلدام قيمىلدايتىن ارنايى جاساق ينسپەكتورى سايا اۋەلبەكوۆا.
الداعى جارىس بۇدان جوعارى جاۋاپكەرشىلىكتى قاجەت ەتەتىنىن پوليتسيا كاپيتانى جاقسى تۇسىنەدى. سوندىقتان قازىر ول الەمدىك جارىسقا دايىندىقتى قىزۋ باستاپ كەتتى.
