ۇكىمەت • 10 قاراشا، 2021

2022 جىلى 31 زاڭ جوباسى ازىرلەنەدى

1124 رەت كورسەتىلدى

ۇكىمەت وتىرىسىندا ادىلەت ءمينيسترى مارات بەكەتاەۆ زاڭ جوبالاۋ جۇمىستارى جوسپارىندا 31 زاڭ جوباسىن ازىرلەۋ قاراستىرىلعانىن ايتتى، دەپ حابارلايدى Egemen.kz.

«ۇكىمەتتىڭ زاڭ جوبالاۋ جۇمىستارىنىڭ 2022 جىلعا ارنالعان جوسپارىنىڭ جوباسىندا 31 زاڭ جوباسىن ازىرلەۋ كوزدەلگەن. ونىڭ ىشىندە ءبىرىنشى جارتىجىلدىقتا پارلامەنتكە 11 زاڭ جوباسىن، ال ەكىنشى جارتىجىلدىقتا 20 زاڭ جوباسىن ەنگىزۋ قاجەت»، دەدى بەكەتاەۆ.

ونىڭ ايتۋىنشا، جوسپار جوباسى پرەزيدەنت بەلگىلەگەن مىندەتتەر مەن مەملەكەتتىڭ ستراتەگيالىق قۇجاتتارى نەگىزىندە جاسالعان.

مينيستر قازاقستان رەسپۋبليكاسىنىڭ الەۋمەتتىك كودەكسىن، «كاسىبي بىلىكتىلىك تۋرالى» جانە «اگلومەراتسيالاردى دامىتۋ تۋرالى» زاڭ جوبالارىن ازىرلەۋ مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنان تۋىندايتىنىن ايتتى.

«بۇدان باسقا، تۇتىنۋشىلاردىڭ قۇقىقتارىن قورعاۋ، سايكەستىكتى باعالاۋ جانە جىلۋ ەنەرگەتيكاسىنا قاتىستى جاڭا زاڭ جوبالارىن ازىرلەۋ جوسپارلانۋدا. «قۇقىقتىق اكتىلەر تۋرالى» زاڭعا سايكەس جوسپاردىڭ جوباسى مەملەكەت باسشىسىمەن كەلىسۋگە جاتادى. جوسپار جوباسىن پرەزيدەنت اكىمشىلىگىنە جىبەرۋ ۇسىنىلادى»، دەپ تۇيىندەدى ادىلەت مينيسترلىگىنىڭ باسشىسى.

سوڭعى جاڭالىقتار

ۇقساس جاڭالىقتار