كوروناۆيرۋس • 10 قاراشا، 2021

قازاقستاندا كوروناۆيرۋس باسەڭدەدى

70 رەت كورسەتىلدى

قازاقستاندا سوڭعى ەكى ايدا كوروناۆيرۋس اۋرۋى 3،4 ەسە، ال ءولىم-ءجىتىم 4 ەسە ازايدى. بۇل تۋرالى قر دەنساۋلىق ساقتاۋ ءمينيسترى الەكسەي تسوي ءمالىم ەتتى، دەپ حابارلايدى Egemen.kz.

مينيستر اتاپ وتكەندەي، 222 ەلدىڭ الەمدىك رەيتينگىنە سايكەس قازاقستان سىرقاتتانۋشىلىق كورسەتكىشى بويىنشا 105-ورىندا، ال ءولىم كورسەتكىشى بويىنشا 101-ورىندا تۇر.

«بۇگىنگى تاڭدا حالىقتى تەستىلەۋگە قولجەتىمدىلىك قامتاماسىز ەتىلدى. زەرتحانالاردىڭ سانىن 165-كە دەيىن ارتتىرۋ ەسەبىنەن زەرتحانالىق قۋات تاۋلىگىنە 126 مىڭنان استام زەرتتەۋدى قۇرايدى، كۇن سايىن 60 مىڭعا دەيىن زەرتتەۋ جۇرگىزىلەدى. كۆي-عا وتكىزىلگەن تەست سانى بويىنشا قازاقستان الەمنىڭ 222 ەلىنىڭ ىشىندە 47-ءشى ورىندا»، دەدى دەنساۋلىق ساقتاۋ ءمينيسترى.

قازىرگى ۋاقىتتا «قىزىل» ايماقتا ءۇش ءوڭىر (قوستاناي، پاۆلودار جانە سولتۇستىك قازاقستان وبلىستارى) بار. ءتورت ءوڭىر - «سارى ايماقتا» (قاراعاندى وبلىستارى، اقمولا وبلىسى، الماتى جانە نۇر-سۇلتان قالالارى). 10 ءوڭىر «جاسىل» ايماقتا ورنالاسقان.

«جالپى، قازاقستاندا سوڭعى ەكى ايدا سىرقاتتانۋشىلىق 3،4 ەسە، ال ءولىم-ءجىتىم 4 ەسە تومەندەدى. رەسپۋبليكا بويىنشا 1 تامىزدان باستاپ ينفەكتسيالىق توسەكتەردىڭ جۇمىسپەن قامتىلۋ دەڭگەيى 56-دان 30%-عا دەيىن، رەانيماتسيالىق توسەكتەردىڭ - 45-تەن 26%-عا دەيىن تومەندەگەنى بايقالادى. رەزەرۆتە 30 مىڭنان استام توسەك-ورىن بار»، دەدى الەكسەي تسوي ۇكىمەت وتىرىسىندا.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار