«پەداگوگتاردى دايارلايتىن جوعارى وقۋ ورىندارىنىڭ سانى 86-دان 50-گە دەيىن قىسقاردى. پەداگوگيكالىق باعىتتار بويىنشا ليتسەنزيالارعا 138 قوسىمشا قايتارىلدى», دەپ جازادى قر ءبىلىم جانە عىلىم مينيسترلىگىنىڭ ءباسپاسوز قىزمەتى.
مينيسترلىككە قاراستى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا اتاپ وتكەندەي, بولاشاقتا بالالارمەن جۇمىس ىستەيتىن پەداگوگتاردىڭ بىلىكتىلىك ماسەلەسى ۇلكەن ماڭىزعا يە.
«مەكتەپتەردەگى وقۋشىلاردى ءوز ءىسىن جاقسى كورەتىن ماماندار وقىتۋى كەرەك. بىزدە بولاشاق مۇعالىمدەردى ساپالى دايارلاۋدى جۇزەگە اسىراتىن جوعارى وقۋ ورىندارى بار. دەگەنمەن, كەيبىر ۋنيۆەرسيتەتتەردەگى تەكسەرۋ ناتيجەلەرى كوڭىل كونشىتپەيدى جانە بارلىق ۋنيۆەرسيتەتتەر تالاپتارعا سايكەس كەلمەيتىنىن كورسەتەدى. مينيسترلىك ءبىلىم بەرۋ قىزمەتتەرىنىڭ ساپاسى تالاپتارعا سايكەس كەلۋى ءۇشىن ۋاقىت بەرەدى. ەگەر جوو ساپانى جاقسارتۋ بويىنشا جۇمىس جۇرگىزبەسە, ءبىز قاتاڭ شارالار قابىلدايمىز, اتاپ ايتقاندا ليتسەنزيادان ايىرامىز. مىسالى, قازىر بىزدە پەداگوگتاردى دايارلايتىن جوعارى وقۋ ورىندارى از. بىراق ولاردى باسەكەگە قابىلەتتى ۋنيۆەرسيتەتتەر دايىندايدى. ۋاقىت وتە كەلە بۇل وڭ ناتيجە بەرەدى», دەپ ءتۇسىندىردى ول.
