كوروناۆيرۋس • 08 قاراشا، 2021

الماتىدا جاپپاي رەۆاكتسيناتسيا قاشان باستالادى

238 رەت كورسەتىلدى

الماتىدا كوروناۆيرۋسقا قارسى رەۆاكتسيناتسيا قاراشا ايىنىڭ سوڭىندا باستالاتىنىن ورتالىق قالالىق كلينيكالىق اۋرۋحانا ديرەكتورىنىڭ ورىنباسارى ەلۆيرا يبراگيموۆا بريفينگتە مالىمدەدى، دەپ حابارلايدى Egemen.kz.

ونىڭ ايتۋىنشا، قازىر قالادا رەسەيلىك Sputnik V، قازاقستاندىق QazVac جانە قىتايلىق Vero Cell ۆاكتسينالارىمەن تۇرعىنداردى قايتا ۆاكتسيناتسيالاۋ جوسپارى تۇر.

«بىزدە ۆاكتسينا جەتكىلىكتى، رەۆاكتسيناتسيا قاراشانىڭ ءۇشىنشى ونكۇندىگىندە باستالادى. رەۆاكتسيناتسيا دەگەنىمىز – ادامداردىڭ ەكپەنىڭ ءبىرىنشى جانە ەكىنشى بولىگىنەن كەيىن الاتىن دوزاسى. ياعني، ءسىز العاشقى ەكى دوزانى الاسىز، سودان كەيىن ءۇشىنشى - كۇشەيتكىش دوزاسى سالىنادى. بۇنى رەۆاكتسيناتسيا دەپ اتايمىز»، دەدى يبراگيموۆا.

ول ۆاكتسيناتسيا نەمەسە رەۆاكتسيناتسيا الدىندا انتيدەنەلەر تاپسىراتىن سىناق جوق ەكەنىن ايتتى.
 
«ەگەر ءسىز بۇل سىناقتى ءوز بەتىڭىزشە تاپسىرعىڭىز كەلسە، ونى ءوز قالاۋىڭىز بويىنشا جاساي الاسىز. بىراق بۇل مەديتسينا تاراپىنان نەمەسە ۆاكتسيناتسيادان باس تارتۋعا سەبەپ ەمەس. سەبەبى، رەۆاكتسيناتسيا ءۇشىن انتيدەنەلەردىڭ دەڭگەيى ماڭىزدى ەمەس»، دەدى يبراگيموۆا.

ول ەگەر پاتسيەنت ءوز بەتىنشە سىناقتان ءوتىپ، انتيدەنەلەردىڭ جوعارى ءتيترى بولسا، كەيىن ول ءوز قالاۋى بويىنشا رەۆاكتسيناتسيادان ءوتۋى مۇمكىن ەكەنىن ايتتى.

سونداي-اق ەلۆيرا يبراگيموۆا ازاماتتارعا قابىلدانعان العاشقى ەكى دوزادان باسقا پرەپاراتپەن قايتا ۆاكتسيناتسيالاۋدى ۇسىندى.

«بۇگىندە بىزدە ۆاكتسينانىڭ ەكى ءتۇرى بار: ۆەكتورلىق جانە يناكتيۆتەندىرىلگەن. Sputnik V - ۆەكتورلىق ۆاكتسينا، ال قالعاندارىنىڭ بارلىعى يناكتيۆاتسيالانعان. ۆەكتورلىق ۆاكتسينا العان ادامدارعا توعىز ايدان كەيىن بەلسەندى ەمەس ۆاكتسينانى، ياعني Vero Cell مەن QazVac الۋدى ۇسىنامىز. ال كەز كەلگەن يناكتيۆاتسيالانعان ۆاكتسينانى العاندارعا ءبىز التى ايدان كەيىن Sputnik V ۆەكتورلىق ۆاكتسينانى الۋدى ۇسىنامىز»، دەدى ول.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار