تۇركىستان وبلىسىنىڭ تۇرعىنى ۋچاسكەلىك پوليتسيا قىزمەتكەرىنە قوڭىراۋ شالىپ, جالعىز كورشىسى بەلگىسىز جاعدايلاردا جوعالىپ كەتكەنىن ايتقان.
«پوليتسيا قىزمەتكەرى وقيعا ورنىنان قان داقتارىن انىقتادى. بەلگىلى بولعانداي, ەر ادام اۋلاداعى ەكى مەتر تەرەڭدىكتەگى قۇدىق ىشىندە قوزعالىسسىز جاتقان. ءمايىت پوليتسياعا جۇگىنگەن ەر ادامنىڭ كورشىسى ەكەنى انىقتالدى», دەپ حابارلادى تۇركىستان وبلىستىق پد ءباسپاسوز قىزمەتى.
اتالعان فاكتى قر قك 99-بابى «كىسى ءولتىرۋ» بويىنشا كەلەس اپب-ءنىڭ سدتبت-نە تىركەلدى.
جەدەل-ىزدەستىرۋ ءىس-شارالارىن جۇرگىزۋ بارىسىندا جابىرلەنۋشىنىڭ جيەنى جەدەل ۋاكىلدەردىڭ نازارىنا ءتۇسىپ, ۇستالدى.
پوليتسيا انىقتاعانداي, ەكى تۋىس اراسىندا جانجال بولعان. ناتيجەسىندە جيەنى اعاسىن ءولتىرىپ, قىلمىسىن جاسىرۋ ءۇشىن ءمايىتتى قۇرعاق قۇدىققا لاقتىرىپ, قاشىپ كەتكەن.
سوتقا دەيىنگى تەرگەۋ امالدارى جۇرگىزىلۋدە. ساراپتامالار تاعايىندالدى.
