ءىس-شاراعا قر ەكولوگيا, گەولوگيا جانە تابيعي رەسۋرستار ءمينيسترى س.بەكەشەۆ, قازاقستاننىڭ ەكولوگيالىق ۇيىمدارى قاۋىمداستىعى اسسوتسياتسياسىنىڭ ءتورايىمى ءا.نازارباەۆا, ورتا ازيا ەلدەرىنىڭ وكىلدەرى جانە حالىقارالىق ساراپشىلار قاتىستى.
ءىس-شارانىڭ ماقساتى - بولاشاعى بار «جاسىل» ينۆەستيتسيالىق جوبالار تۇرعىسىنان وڭىرگە قىزىعۋشىلىق تۋعىزۋ. سونىمەن قاتار, وڭىرلىك ەلدەر اراسىنداعى ديالوگتى كۇشەيتۋگە, عىلىمي نەگىزدەلگەن شەشىمدەر قابىلداۋعا, تاجىريبە الماسۋعا, سونداي-اق حالىقارالىق قارجى ۇيىمدارىمەن جانە ورتا ازياداعى جوبالاردى دامىتۋ جونىندەگى اگەنتتىكتەرمەن بىرلەسۋگە جاردەمدەسۋ.
قازاقستاننىڭ ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ مەملەكەت باسشىسىنىڭ كليماتتىق امبيتسيالار جونىندەگى سامميتتە ايتىلعان 2060 جىلعا قاراي كومىرتەكتى بەيتاراپتىققا قول جەتكىزۋ جونىندەگى قازاقستاننىڭ ەكولوگيالىق باستاماسى ناقتى قادامدارمەن راستالىپ جاتقانىن اتاپ ءوتتى.
«ەكونوميكانى قۇرىلىمدىق دەكاربونيزاتسيالاۋ بويىنشا قادامدارمەن قازاقستاننىڭ 2060 جىلعا دەيىنگى تومەن كومىرتەكتى دامۋ دوكتريناسى ازىرلەنىپ جاتىر. قازاقستان ەكولوگيالىق كودەكستى قابىلدادى, ونىڭ نورمالارى الەمدىك ستاندارتتارعا سايكەس كەلەدى جانە وندا, اتاپ ايتقاندا, ءوندىرىستى «جاسىلداندىرۋ» ءۇشىن ەڭ ۇزدىك قولجەتىمدى تەحنيكالاردىڭ قاعيداتتارى كورسەتىلگەن», دەدى سەرىكقالي برەكەشەۆ.
قازاقستاننىڭ ەكولوگيالىق قاۋىمداستىقتارىنىڭ باسشىسى ءاليا نازارباەۆا ءوز بايانداماسىندا «جاسىل» دامۋعا جانە تۇراقتى تەحنولوگيالار ترانسفەرتىنە جاردەمدەسۋ ءۇشىن ورتا ازيا ەلدەرى مەن حالىقارالىق قوعامداستىق اراسىنداعى ءتيىمدى ارىپتەستىك يدەياسىن كورشى ەلدەرمەن كووپەراتسياسىز جانە ىنتىماقتاستىقسىز جانە حالىقارالىق قارجى ينستيتۋتتارىنىڭ ساراپتاماسى مەن قولداۋىنسىز ىسكە اسىرۋ مۇمكىن ەمەستىگىن ايتتى.
ء«بىز ءوڭىر ەلدەرىمەن ترانسفەرت جانە تازا تەحنولوگيالاردى ەنگىزۋ ماسەلەسى بويىنشا جيناقتالعان تاجىريبەنى, ءبىلىم مەن ءادىسنامانى بولىسۋگە دايىنبىز. 2021 جىلى پارنيكتىك گازدار شىعىندارىن ازايتۋ سالاسىندا ۇلتتىق-ايقىندالاتىن سالىمدار فورماتىندا ۇلتتىق ساياسات ماقساتتارىن جاڭارتۋ جونىندەگى پروتسەسس اياقتالادى. ورتا ازيا ەلدەرى تاياۋ بولاشاققا ءوز جوسپارلارىن ۇسىنباق جانە پاريج كەلىسىمىنىڭ تابىستىلىعى جانە ءبىزدىڭ وڭىردەگى كليمات پەن قورشاعان ورتانىڭ جاي-كۇيى وسى جوسپارلاردىڭ ىسكە اسىرىلۋىنا, سونداي-اق ءبىزدىڭ بىرلەسكەن كۇش-جىگەرىمىزگە بايلانىستى بولادى», دەدى ءاليا نازارباەۆا.
سونىمەن قاتار, قازاقستاننىڭ ەكولوگيالىق قاۋىمداستىعىنىڭ باسشىسى كورشىلەس مەملەكەتتەردى كليماتتى ساقتاۋ ماسەلەلەرى جونىندەگى ورتا ازيا حابى رەتىندە حجتيجو الاڭىندا ىنتىماقتاسۋعا شاقىردى.
قازاقستاننىڭ حالىقارالىق ارەنادا ءوڭىر بىرلىگىنىڭ باستاماشىسى رەتىندەگى ءرولى - ەكولوگيالىق ماسەلەلەردى, ونىڭ ىشىندە وندىرىستەردى جاسىل ەكونوميكاعا بەيىمدەۋ, ينۆەستيتسيالىق جاسىل جوبالاردى ۇلعايتۋ ماسەلەلەرىن شەشۋگە باعىتتالعان ۇلكەن قادام.
