«بۇگىنگى تاڭدا تۇرمىستىق زورلىق-زومبىلىق قوعامداعى وزەكتى ماسەلەلەردىڭ ءبىرى. كارانتين شەكتەۋلەرى ەنگىزىلگەننەن باستاپ تۇرمىستىق كيكىلجىڭدەر, اتاپ ايتساق ماس كۇيىندە جاسالاتىن قۇقىق بۇزۋشىلىقتاردىڭ سانى ارتتى. بيىلعى جىلدىڭ 10 ايىندا «102» ارناسىنا وتباسىلىق زورلىق-زومبىلىققا قاتىستى 14 مىڭنان استام شاعىم كەلىپ ءتۇستى», دەلىنگەن حابارلامادا.
پوليتسيا دەپارتامەنتىنىڭ ءباسپاسوز قىزمەتى حابار تاراتقانداي, جىل باسىنان بەرى وتباسىلىق زورلىق-زومبىلىققا قاتىستى 3168 ازامات اكىمشىلىك جاۋاپقا تارتىلدى.
«بولعان جايتتاردىڭ 40%-ى دەنساۋلىققا جەڭىل زيان كەلتىرگەن ۇرىپ-سوعۋ فاكتىسىنە قاتىستى. ول بويىنشا 530-دان استام ايىپتى اكىمشىلىك قاماۋعا الىندى. وسى ورايدا وتكەن جىلدان باستاپ تۇرمىستىق زورلىق-زومبىلىق ءۇشىن جاۋاپكەرشىلىك ايتارلىقتاي كۇشەيتىلگەنىن اتاپ وتكەن ءجون. وتباسى-تۇرمىستىق قاتىناستار سالاسىنداعى قۇقىققا قايشى ارەكەت ءۇشىن قاماۋعا الۋ مەرزىمى 3 تاۋلىكتەن 5 تاۋلىككە دەيىن ۇزارتىلدى», دەپ حابارلادى ۆەدومستۆو.
