«كومىرتەگى بەيتاراپتىعىنا جەر مەن سۋدى پايدالانۋدىڭ ورنىقتىلىعىن, ەكونوميكانىڭ ەنەرگەتيكالىق تيىمدىلىگىن ارتتىرۋ, ەلەكترلەندىرۋ, ەكولوگيالىق تازا جانە جاڭارتىلاتىن ەنەرگيا كوزدەرىن كەڭىنەن پايدالانۋ ارقىلى قول جەتكىزىلەدى. پارنيكتىك گاز شىعارۋدى ازايتۋ جوسپارلارىن ىسكە اسىرۋ كەزىندە نارىقتىق مەحانيزمدەر مەن جەكە ينۆەستيتسيالار الەۋەتى بارىنشا پايدالانىلادى», دەدى پرەمەر-مينيستر ۇكىمەت وتىرىسىندا.
بۇدان بولەك, قازاقستان ورمان جانە جەر پايدالانۋ جونىندەگى دەكلاراتسياعا, جاستارعا ءبىلىم بەرۋ جانە تارتۋ مىندەتتەمەسىنە قوسىلدى.
«قازىرگى كەزدە ارال ەكولوگياسىن جاقسارتۋ جۇمىستارى اياسىندا تەڭىز تۇبىنە 1,1 ملن گەكتار جەرگە سەكسەۋىل وتىرعىزۋ جۇمىستارى جالعاسۋدا. كەلەسى جىلدان باستاپ التى قالادا – نۇر-سۇلتان, الماتى, وسكەمەن, شىمكەنت, اقتوبە جانە قاراعاندى قوقىس وڭدەيتىن زاۋىت سالۋ جوباسىن ىسكە اسىرۋ باستالادى. «جاسىل قازاقستان» ۇلتتىق جوباسى دا اتموسفەرالىق اۋانىڭ ساپاسىن جاقسارتۋعا, قالدىقتاردى باسقارۋ جۇيەسىن جەتىلدىرۋگە, ەلدەگى سۋ رەسۋرستارىنىڭ ەكوجۇيەسىن, بيوالۋانتۇرلىلىكتى ساقتاۋعا جانە ەرەكشە قورعالاتىن تابيعي اۋماقتاردى دامىتۋعا باعىتتالعان», دەدى اسقار مامين.
قازىرگى ۋاقىتتا اكىمدىكتەر ەكولوگيالىق جاعدايدى جاقسارتۋ جونىندەگى جول كارتالارىن ىسكە اسىرۋدا.
«2021 جىلعا كوزدەلگەن ءىس-شارالاردىڭ 62%-ى عانا ورىندالدى. ەڭ تومەن كورسەتكىشتەر – باتىس قازاقستان, پاۆلودار, اتىراۋ وبلىستارى مەن شىمكەنت قالاسىندا. سوندىقتان اكىمدىكتەرگە وسى باعىتتاعى جۇمىستى جانداندىرۋعا جانە جوسپارلانعان بارلىق ءىس-شارالاردىڭ ورىندالۋىن قامتاماسىز ەتۋدى تاپسىرامىن», دەدى اسقار مامين.
