زاڭدى ىسكە اسىرۋ ءۇشىن قر دەنساۋلىق ساقتاۋ جانە الەۋمەتتىك دامۋ ءمينيسترىنىڭ «ارناۋلى مەملەكەتتىك جاردەماقى تاعايىنداۋ جانە تولەۋ قاعيدالارىن بەكىتۋ تۋرالى» 2015 جىلعى 3 ماۋسىمداعى №445 بۇيرىعىنا وزگەرىستەر مەن تولىقتىرۋلار ەنگىزىلدى.
I توپتاعى مۇگەدەككە كۇتىم جاسايتىن ادامدار اتالعان جاردەماقىنى الۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەلەرىنە ءوتىنىش بەرىپ, وعان كەلەسى قۇجاتتاردى قوسا تاپسىرادى:
- جەكە باسىن كۋالاندىراتىن قۇجات (جەكە كۋالىك, قانداس كۋالىگى, ازاماتتىعى جوق ادامنىڭ كۋالىگى, شەتەلدىكتىڭ تۇرۋعا ىقتيارحاتى نەمەسە تسيفرلىق قۇجاتتار سەرۆيسىنەن ەلەكتروندىق قۇجات);
- I توپتاعى مۇگەدەككە قورعانشىلىق (قامقورشىلىق) بەلگىلەنگەنىن راستايتىن قۇجات (ونداي دەرەك بولعان جاعدايدا);
- كۇتىم جۇزەگە اسىرىلاتىن ادامنىڭ مۇگەدەكتىگى تۋرالى انىقتاما;
- سايكەستەندىرۋ ءۇشىن - جاردەماقى بەرۋ جونىندەگى ۋاكىلەتتى ۇيىمداعى بانك شوتىنىڭ ءنومىرى تۋرالى مالىمەتتەردى راستايتىن قۇجات;
- پسيحيكالىق دەنساۋلىق ورتالىعىندا ەسەپتە تۇرۋ دەرەگىنىڭ جوقتىعى تۋرالى انىقتاما.
كۇتىمدى جۇزەگە اسىرۋشى رەتىندە ايقىندالعان ادامنىڭ ارەكەت قابىلەتتىلىگى تۋرالى مالىمەتتەر جەكە باسىن كۋالاندىراتىن قۇجات بويىنشا قر ادىلەت مينيسترلىگىنىڭ «جەكە تۇلعالاردىڭ مەملەكەتتىك دەرەكقورى» اقپاراتتىق جۇيەسىندە تەكسەرىلەدى.
