«2020 جىل ءۇشىن جەكە تۇلعالاردىڭ م ۇلىك سالىعىن تولەۋ مەرزىمى 2021 جىلدىڭ 1 قازانىندا اياقتالدى. قازىرگى ۋاقىتتا مەملەكەتتىك كىرىستەر ورگانىمەن Kaspi.kz ءموبيلدى قوسىمشاسى ارقىلى مەرزىمىندە م ۇلىك سالىعىن تولەمەگەن جەكە تۇلعالارعا push-حابارلاما جىبەرۋ جوسپارلانۋدا», دەلىنگەن رەسمي حابارلامادا.
ال سالىق زاڭناماسى بويىنشا مەملەكەتتىك كىرىستەر ورگاندارى مەرزىمىندە ورىندالماعان سالىق مىندەتتەمەسىنىڭ تولەنۋىن قاداعالايدى. ازاماتتارعا الدىمەن سالىق بەرەشەگى تۋرالى حابارلاما جىبەرىلەدى. وسى جولى 1 قازانعا دەيىن ەسكەرتۋلەر تاراتىلدى.
«حابارلاما ورىندالماعان جانە بەرەشەك وتەلمەگەن جاعدايدا مەملەكەتتىك كىرىس ورگاندارى بەرەشەكتى ءوندىرىپ الۋ تۋرالى سالىقتىق بۇيرىق ازىرلەيدى. ونى ماجبۇرلەپ ورىنداتۋ ءۇشىن جەكە سوت ورىنداۋشىلارىنىڭ وڭىرلىك پالاتالارىنا جىبەرەتىن بولادى. وسىعان بايلانىستى 2020 جىلعا م ۇلىك سالىعىن تولەمەگەن ازاماتتاردان سالىقتىق بەرەشەكتى وتەۋدى سۇرايمىز», دەلىنگەن رەسمي حابارلامادا.
ايتا كەتەرى, جەكە تۇلعالار سالىقتى «e-Salyq Azamat», ەكىنشى دەڭگەيدەگى بانكتەردىڭ ءموبيلدى قوسىمشالارى مەن ەلەكتروندىق ۇكىمەت پورتالى ارقىلى تولەي الادى. بۇدان بولەك, بانك بولىمشەلەرىندە تولەم تەرمينالدارى ارقىلى قولما-قول اقشامەن جانە بانك كارتالارىمەن سالىق اۋدارۋعا مۇمكىندىك بار.
