كارانتينگە جاتقىزىلعان ءونىم رەسەي فەدەراتسياسى, بەلارۋس, فينليانديا, وزبەكستان, قىرعىزستان, نيدەرلاندى جانە كورەيا رەسپۋبليكاسىنان اكەلىنگەن.
2021 جىلعى 22-29 قازان ارالىعىندا اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اۋماقتىق ينسپەكتسيالارى قازاقستان رەسپۋبليكاسىنىڭ اۋماعىنا فيتوسانيتاريالىق تاۋەكەلى جوعارى كارانتينگە جاتقىزىلعان ءونىمدى زاڭسىز اكەلۋدىڭ 82 فاكتىسىنىڭ جولىن كەستى.
نۇر-سۇلتان قالاسىنا نيدەرلاندىدان 1,2 توننا قىزاناقتى يمپورتتاۋ كەزىندە «قىزاناق جەمىستەرىنىڭ قوڭىر قاتپارلى ۆيرۋسى» (Tomato brown rugose fruit virus (ToBRFV) جانە «پەپينو موزايكا ۆيرۋسى» كارانتيندىك وبەكتىلەرى (Pepino mosaic virus) انىقتالدى.
سونىمەن قاتار, قىرعىزستان مەن وزبەكستاننان جامبىل جانە ماڭعىستاۋ وبلىستارىنا 21,9 توننا قۇرما ءونىمىن يمپورتتاۋ كەزىندە «كومستوك سىمىرى» (Pseudococcus comstoki) كارانتيندىك وبەكتىسى انىقتالدى.
وسىمدىكتەر كارانتينى سالاسىنداعى اتالعان زاڭ بۇزۋشىلىقتار بويىنشا اكىمشىلىك ماتەريالدار قۇراستىرىلىپ, سوتقا جولداندى.
21,9 توننا قۇرما ءونىمى وزبەكستان رەسپۋبليكاسى مەن قىرعىزستانعا قايتارىلدى.
رەسەي فەدەراتسياسىنان جالپى كولەمى 768 توننا كارتوپ, ءسابىز, قىزىلشا, قىزاناق, بۇرىش, ماقسارى, بيداي, جاڭعاقتار, كەپتىرىلگەن جەمىستەر, اپەلسين, الما جانە بانان, قىرعىزستاننان 22 توننا جەمشوپ ەسپارتسەتى, كورەيادان 1,5 توننا جۇگەرى ۇنى جانە نيدەرلاندىدان 139 780 دانا گۇل كەسىندىلەرى يمپورتى كەزىندە 56 جاعدايدا فيتوسانيتاريالىق سەرتيفيكاتتاردىڭ جوقتىعى بەلگىلى بولدى.
1 جاعدايدا رەسەي فەدەراتسياسىنان 108 060 دانا كوشەت اكەلۋ كەزىندە تاڭبالاۋى جوق بولىپ شىقتى.
رەسەي فەدەراتسياسىنان جالپى سالماعى 140 توننا كارتوپ, قىزاناق, اپەلسين, قاربىز, قارا ورىك, الما, ۇن, استىق قالدىقتارى, جارما, بەلارۋستەن 48 843 دانا كوشەت, فينليانديادان 25 توننا جاڭعاق جانە قىرعىزستاننان 7 توننادان استام كارتوپ, قىزاناق جانە ءجۇزىم يمپورتى كەزىندە 20 جاعدايدا كارانتينگە جاتقىزىلعان ءونىم قايتالاما تەكسەرۋگە ۇسىنىلماعان.
وسىمدىكتەر كارانتينى سالاسىنداعى زاڭنامانىڭ بۇزىلۋىنا جول بەرگەن كىنالى تۇلعالارعا قاتىستى قر اقبتك-ءنىڭ 400-بابى بويىنشا اكىمشىلىك ماتەريالدار جاسالىپ, 4,3 ملن.تەڭگەدەن استام سوماعا ايىپپۇل سالىندى.
جىل باسىنان بەرى قازاقستان رەسپۋبليكاسى اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ اۋماقتىق ينسپەكتسيالارى وسىمدىكتەر كارانتينى سالاسىندا 5,3 مىڭ بۇزۋشىلىقتى انىقتاپ, ناتيجەسىندە 393 ملن تەڭگەدەن استام سوماعا اكىمشىلىك ايىپپۇل سالىندى.
