تاعايىنداۋ • 02 قاراشا، 2021

يسلام بايرامۋكوۆ مينيستر كەڭەسشىسى بولىپ تاعايىندالدى

619 رەت كورسەتىلدى

ءمينيستردىڭ بۇيرىعىمەن يسلام ءىلياس ۇلى بايرامۋكوۆ مادەنيەت جانە سپورت ءمينيسترىنىڭ كەڭەسشىسى قىزمەتىنە تاعايىندالدى، دەپ جازادى Egemen.kz قر مادەنيەت جانە سپورت مينيسترلىگىنىڭ رەسمي سايتىنا سىلتەمە جاساپ.

يسلام بايرامۋكوۆ 1971 جىلى 12 ماۋسىمدا جامبىل وبلىسى، تۇرار رىسقۇلوۆ  اۋدانى، كامەنكا اۋىلىندا دۇنيەگە كەلگەن.

گرەك-ريم كۇرەسىنەن سيدنەي وليمپياداسىنىڭ كۇمىس جۇلدەگەرى. ەكى دۇركىن ازيا كۋبوگىنىڭ يەگەرى. 2000 جىلى ازيا چەمپيونى، ەركى مارتە شىعىس ازيا ويىندارىنىڭ چەمپيونى، بىرنەشە دۇركىن ەل چەمپيونى اتانعان.

1989-1993 جىلدارى قازاق مەملەكەتتىك دەنە شىنىقتىرۋ ينستيتۋتىندا، 2001-2003 جىلدارى قازاق ۇلتتىق ۋنيۆەرسيتەتىندە، 2003-2005 جىلدارى ماسكەۋ مەملەكەتتىك الەۋمەتتىك-گۋمانيتارلىق ۋنيۆەرسيتەتىندە وقىعان. 2004 جىلى سپورتتى قويىپ، پەداگوگيكالىق سالاعا اۋىسادى.

جۇمىس تاجىريبەسى:

1986 جىلدان 1989 جىلعا دەيىن قاجىمۇقان مۇڭايتپاس ۇلى اتىنداعى الماتى وليمپيادالىق رەزەرۆ ۋچيليششەسىندە سپورت جاتتىقتىرۋشىسى;

1989 جىلدان 1993 جىلعا دەيىن قازاق مەملەكەتتىك دەنە شىنىقتىرۋ ينستيتۋتى. سپورت جاتتىقتىرۋشىسى-وقىتۋشى;

1993 جىلدان 2004 جىلعى دەيىن ەركىن كۇرەستەن قازاقستان رەسپۋبليكاسىنىڭ شتاتتىق قۇراما سپورتشىسى;

2007 جىلدان 2009 جىلعا دەيىن ەركىن كۇرەستەن قازاقستان قۇراماسىنىڭ اعا جاتتىقتىرۋشىسى;

قوعامدىق قىزمەتى: 2000 جىلدان باستاپ قازىرگى ۋاقىتقا دەيىن قازاقستان حالقى اسسامبلەياسىنىڭ قۇرامىندا. قر قاراشاي جانە بالقارلار قاۋىمداستىعى توراعاسىنىڭ ورىنباسارى. قازاقستان حالقى اسسامبلەياسى جانىنداعى جاستار قاناتىنىڭ توراعاسى.

قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، 2000 جىلى «پاراسات» وردەنىمەن ماراپاتتالعان، «قر تاۋەلسىزدىگىنە 10 جىل» مەدالىنىڭ يەگەرى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار