اتالعان بولىمشەلەر كارانتيندىك فيتوسانيتارلىق باقىلاۋدى جۇزەگە اسىرۋ كەزىندە كارانتينگە جاتقىزىلعان 1,6 مىڭ توننادان استام يمپورتتىق ءونىمدى ۇستاعان. كارانتينگە جاتقىزىلعان ءونىم رەسەي, قىرعىزستان, قىتاي, پولشا, ليتۆا جانە تۇركيادان اكەلىنىپتى.
«فيتوسانيتارلىق قاۋپى جوعارى, كارانتينگە جاتقىزىلعان ءونىمدى قازاقستان رەسپۋبليكاسىنىڭ اۋماعىنا زاڭسىز اكەلۋدىڭ 76 فاكتىسى بەلگىلى بولدى. 55 جاعدايدا فيتوسانيتارلىق تاۋەكەلى جوعارى كارانتينگە جاتقىزىلعان ءونىمدى اكەلۋ كەزىندە فيتوسانيتارلىق سەرتيفيكاتتاردىڭ جوقتىعى انىقتالدى. ونىڭ ىشىندە, رەسەي فەدەراتسياسىنان 0,9 مىڭ توننا قىزاناق, ءسابىز, قىرىققابات, بۇرىش, قىزىلشا, الما, المۇرت, قارا ورىك, بانان, سونداي-اق بيداي مەن ارپا, قىرعىزستاننان 3 توننا الما, پىستە جانە كۇرىش يمپورتى كەزىندە, قىتاي حالىق رەسپۋبليكاسىنان 147 توننا بادام, اسقاباق شەمىشكەسى, جاڭعاق جانە كەپتىرىلگەن مانگو جانە پولشادان اكەلىنگەن 5,2 توننا جەمىستىڭ فيتوسانيتارلىق سەرتيفيكاتى بولماي شىقتى», دەلىنگەن اۋىل شارۋاشىلىعى مينيسترلىگىنىڭ حابارلاماسىندا.
سونداي-اق قىرعىزستاننان 24 توننا الما مەن كەپتىرىلگەن جەمىستەر جانە رەسەي فەدەراتسياسىنان 0,5 توننا كوگال ءشوپ تۇقىمىن اكەلۋ كەزىندە دە تاۋارلىق بەلگىسى جوقتىعى انىقتالعان. ال رەسەيدەن 422 توننادان استام بيداي, ارپا, ماقسارى جانە كەبەك, تۇركيادان 19,4 توننا ءىنجىر جانە ليتۆادان 0,2 توننا كوكونىس يمپورتى كەزىندە كارانتينگە جاتقىزىلعان ءونىم قايتالاما تەكسەرۋگە ۇسىنىلماعان. وسىعان وراي وسىمدىكتەر كارانتينى سالاسىنداعى زاڭنامانىڭ بۇزىلۋىنا جول بەرگەن تۇلعالارعا قاتىستى اقبتك-ءنىڭ 400-بابى بويىنشا اكىمشىلىك ماتەريالدار تولتىرىلىپ, 4,2 ملن تەڭگەدەن استام سوماعا ايىپپۇل سالىنعان.
بۇل رەتتە ۆەدومستۆو جىل باسىنان بەرى وسىمدىكتەر كارانتينى سالاسىندا 5 مىڭنان استام زاڭ بۇزۋشىلىق انىقتالىپ, 375 ملن تەڭگە سوماسىنا اكىمشىلىك ايىپپۇل سالىنعانىن حابارلايدى.
