وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, ءورت كەشە, 28 قازاندا ساعات 16:15-تە بولعان.
«ماقات اۋداندىق №8 ءورت ءسوندىرۋ بولىمىنە «دوسسور-قۇلسارى» تاسجولىنىڭ بويىندا جۇك كولىگىنىڭ ورتەنگەنى تۋرالى حابار تۇسكەن. ءورت سوندىرۋشىلەر اۋدان ورتالىعى – ماقات كەنتىنەن 55 شاقىرىم قاشىقتىقتاعى وقيعا ورنىنا ساعات 17:30-دا جەتتى. تاجىكستان رەسپۋبليكاسىنان تۇركيا رەسپۋبليكاسىنا باعىت العان «Scania-R420» ماركالى جۇك كولىگىنىڭ تىركەمەسىندەگى سالماعى 12,2 توننا ماقتا ورامدارى تولىقتاي جانىپ كەتكەنى انىقتالدى», دەپ حابارلادى دەپارتامەنتتىڭ ءباسپاسوز قىزمەتىنەن.
