«قازاقستاندا 600-دەن استام اۋىل زاماناۋي تەلەكوممۋنيكاتسيالىق تەحنولوگيالارمەن قامتىلماعان. سوندىقتان سپۋتنيكتىك بايلانىس شەشىمدەرى وسى اۋىلداردىڭ اۋماعىن قامتۋعا مۇمكىندىك بەرەدى. بۇل تۇرعىدا ءبىز حالقى از ەلدى مەكەندەر تۋرالى ايتىپ وتىرمىز. وسىعان قاراماستان, اۋىلدارعا زاماناۋي بايلانىس جۇيەسىن تارتۋ - ماڭىزدى ماسەلەلەردىڭ ءبىرى», دەدى مالىك ولجابەكوۆ,
Digital Bridge حالىقارالىق تەحنولوگيالىق فورۋمى ءۇشىنشى رەت ءوتىپ جاتىر. بيىلعى فورۋمنىڭ تاقىرىبى - Digital Era Lifestyle. قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين «تسيفرلاندىرۋ, يننوۆاتسيالار جانە عىلىم ارقىلى تەحنولوگيالىق سەرپىلىس» ۇلتتىق جوباسىن تانىستىردى. فورۋمنىڭ ىسكەرلىك باعدارلاماسى 20 پانەلدىك سەسسيادان تۇرادى, وندا 70-تەن استام سپيكەر - حالىقارالىق جانە قازاقستاندىق IT-قاۋىمداستىقتاردىڭ وكىلدەرى ءسوز سويلەيدى.
ەلىمىزدە ءۇشىنشى رەت ءوتىپ جاتقان Digital Bridge الاڭىندا ءداستۇرلى تۇردە Astana Hub Battle-دە تەحنولوگيالىق ستارتاپتار جارىسۋدا, ال ەڭ مىقتى IT-كومپانيالار Astana Hub Awards سىيلىعى اياسىندا ماراپاتتالاتىن بولادى. بيىلعى جىلى ءىس-شارالار گيبريدتى فورماتتا وتەدى – بىرقاتار رەسمي ءىس-شارالار وفلاين رەجيمدە وتسە, فورۋمنىڭ نەگىزگى بولىگى ونلاين نۇسقادا ۇسىنىلادى, وعان كەز كەلگەن ادام قاتىسا الادى.
