پرەزيدەنت فرانتسۋز كاسىپكەرلەرىنە ءىلتيپات بىلدىرە وتىرىپ, نيكوليا تەررازدى «TotalEnergies» بارلاۋ جانە ءوندىرۋ» كومپانياسىنىڭ باسشىسى قىزمەتىنە جاڭادان تاعايىندالۋىمەن قۇتتىقتادى.
كەزدەسۋ بارىسىندا «TotalEnergies» كومپانياسىنىڭ قاتىسۋىمەن جاڭارتىلاتىن قۋات كوزدەرى سالاسىنداعى جوبالاردى جۇزەگە اسىرۋ ماسەلەلەرى تالقىلاندى. قاسىم-جومارت توقاەۆ قىزىلوردا جانە جامبىل وبلىستارىنداعى ەكى كۇن ەلەكتر ستانتسياسى قۇرىلىسىنىڭ اياقتالىپ, پايدالانۋعا بەرىلگەنىن اتاپ ءوتتى.
ارنو برەياك مەملەكەت باسشىسىنا قۋاتى 1 گۆت بولاتىن جەل ەنەرگەتيكاسى كەشەنىنىڭ قۇرىلىسى تۋرالى مەموراندۋمعا قول قويىلعانى تۋرالى, سونداي-اق كونتسەرندى قازاقستاندا جانە الەمدە ودان ءارى دامىتۋدىڭ پەرسپەكتيۆالارى جونىندە ايتىپ بەردى.
سونىمەن قاتار كەزدەسۋدە قاشاعان جانە دۇنعا كەن ورىندارىنداعى مۇناي ءوندىرۋ كولەمىن ارتتىرۋ ماسەلەسى كوتەرىلدى.
