بۇعان دەيىن ينسۋليندى ينەلەر شەتەلدەن اكەلىنەتىن. جاڭا باعىتتاعى ءوندىرىس ورنى ەلىمىزدى قامتىپ قانا قويماي, شەتەل نارىعىنا شىعۋدى دا كوزدەپ وتىر. جوبا قۇنى - 500 ملن تەنگە. 55 جاڭا جۇمىس ورنى قۇرىلادى. ءوندىرىس ورنىن 2020-2021 جىلدارى ىسكە اسىرۋ مەجەلەنگەن. بۇگىندە قۇرىلىس مونتاج جۇمىستارى 100 % تولىق اياقتالدى. قازىر قۇرىلعىلاردى ورناتۋ جۇمىستارى اتقارىلۋدا.
قالا اكىمى كاسىپورىننىڭ قازىرگى جاعدايىمەن جانە بولاشاق جوسپارلارىمەن تانىستى.
«شىعارىلاتىن ونىمدەرگە سۇرانىس بار. وزىمىزدە وندىرىلگەن فارماتسەۆتيكا ونىمدەرىن كەڭىنەن قولداۋ قاجەت», دەدى شىمكەنت قالاسىنىڭ اكىمى مۇرات ايتەنوۆ.
جاڭا كاسىپورىن مەديتسينالىق بۇيىمدار وندىرىسىنە وسىلايشا سەرپىن بەرمەك. شاھار باسشىسى بۇل باعىتتا جەرگىلىكتى كادرلاردى دايارلاۋ جانە جۇمىسقا تارتۋدىڭ ماڭىزىنا دا توقتالىپ ءوتتى.
