ايماقتار • 28 قازان، 2021

الماتى وبلىسىندا وقۋشىلار اراسىندا جاپپاي توبەلەس بولدى

60 رەت كورسەتىلدى

الماتى وبلىسى پانفيلوۆ اۋدانىنىڭ پەنجىم اۋىلىندا بولعان جاپپاي توبەلەستەن ءبىر ءجاسوسپىرىم اۋرۋحاناعا ءتۇستى، دەپ حابارلايدى Egemen.kz.

الەۋمەتتىك جەلىلەردە جاپپاي توبەلەستىڭ ۆيدەوسى تارادى.

«27 قازان كۇنى پانفيلوۆ اۋداندىق ورتالىق اۋرۋحاناسى پەنجىم اۋىلىنداعى مەكتەپ اۋماعىنان 16 جاسار ءجاسوسپىرىم دەنە جاراقاتىمەن كەلىپ تۇسكەن. تەكسەرۋ بارىسىندا 9 جانە 10-سىنىپتا وقيتىن ەكى وقۋشىنىڭ اراسىندا اۋىزشا داۋ-داماي تۋىپ، ونىڭ سوڭى وقۋشىلار اراسىنداعى توبەلەسكە ۇلاسقانى جانە ونىڭ سالدارىنان ءجاسوسپىرىمنىڭ زارداپ شەككەنى بەلگىلى بولدى»، دەلىنگەن وبلىستىق پوليتسيا دەپارتامەنتى حابارلاماسىندا.

پانفيلوۆ اۋداندىق اكىمدىگىنىڭ حابارلاۋىنشا كيكىلجىڭ پەنجىم اۋىلىندا روزىباكيەۆ اتىنداعى ورتا مەكتەپتە بولعان. وقۋشىنىڭ جاعدايى جاقسى، تولىقتاي مەديتسينالىق كومەك كورسەتىلدى.

«قازىرگى ۋاقىتتا قر قىلمىستىق كودەكستىڭ 106-بابى 2-تارماعى بويىنشا ءىس قوزعالعان. ەكى تاراپتىڭ اتا-انالارىمەن تۇسىندىرمە جۇمىستار جۇرگىزىلدى. اۋىل تۇرعىندارى جەلىدە تاراعان ۆيدەو نەگىزىندە وقۋشىنى سوققىعا جىققان تاراپتان كەشىرىم سۇراۋدى تالاپ ەتكەن. وسىعان بايلانىستى اۋدان اكىمدىگى، پوليتسيا دەپارتامەنتىنىڭ باسشىلارى، اقساقالدار ارنايى ءتۇسىندىرۋ جۇمىستارىن جۇرگىزۋدە. جاعداي تولىق باقىلاۋدا»، دەپ حابارلايدى پانفيلوۆ اۋداندىق اكىمدىگى.

سوڭعى جاڭالىقتار

ۇقساس جاڭالىقتار