تاريح • 28 قازان، 2021

كەشەگىنىڭ كەبەجەسى

45 رەت كورسەتىلدى

وتكەن عاسىردىڭ 30-شى جىل­دارى جاسالعان كەبەجە جەزدى كەنتىندەگى ماكەن تو­رە­­گەلديننىڭ ەسىمىن يەلەنگەن تاۋ-كەن جانە بالقىتۋ ءىسى تا­­ريحى مۋزەيىنە قويىلدى. اتالعان تۇرمىستىق بۇيىم مۇ­­راجاي جىلناماسىنا جيىر­ما مىڭىنشى جادىگەر بولىپ تىر­كەلدى.

نەگىزى اعاشتان سوعىلىپ، تەمىر جانە سۇيەك اشەكەيىمەن ورنەكتەلگەن كەبەجە جان­بوسىن تەكقۇل ۇلى ەسىم­دى شە­بەردىڭ قولىنان شىققان. جا­دىگەردى مۋزەيگە كول­ونەرشىنىڭ نە­مەرەسى شاح­ماردان جانبوسىنوۆ تاپ­سى­رىپتى. ايتا كەتۋ كەرەك، اتال­عان شەبەر جاساعان اربا، ات اب­زەلدەرى سياقتى بۇ­يىم­دار دا مۋزەي تورىنەن ورىن العان.

جالپى، كەبەجە كوشپەلى جانە جارتىلاي كوشپەلى ءومىر سالتىن ۇس­تانعان قازاق حالقى ءۇشىن اسا قا­جەت تۇرمىستىق بۇيىمنىڭ ءبىرى بولدى. مۇندا سول زاماننىڭ ادامدارى كۇندەلىكتى تۇرمىستا ءجيى جانە ۇزاق ۋاقىت قولدانعان زاتتارىن ساقتاعان.

ۋاقىتتىڭ سىنىنا توتەپ بەرگەن كەبەجەنى سۋرەتشى-رەس­تاۆراتور، مادەنيەت قايراتكەرى ەرعازى يساتاەۆ قالپىنا كەلتىرگەن.

بۇدان بولەك، ماكەن تورەگەلدين مۋزەيىنىڭ اشىق اسپان استىنداعى ەكسپوزيتسياسى ۇستا جابدىعىمەن دە تولىقتى. مۇندا كەلۋشىلەر قۇرال-سايماندار جاساۋعا ارنال­عان تۇپ­نۇسقالىق كورىگى­مەن، ۇستانىڭ تەمىر سوعاتىن ءتوسى جانە شەبەرلەردىڭ باسقا دا قۇرالدارىمەن تانىسا الادى. مامانداردىڭ ايتۋىنشا، مۇن­داي ۇستاحانالار XIX عاسىردىڭ اياعى مەن XX عاسىردىڭ باسىندا قازاق اۋىلدا­رىندا ءجيى كەزدەسكەن.

 

قاراعاندى وبلىسى،

جەزدى كەنتى

سوڭعى جاڭالىقتار

ۇقساس جاڭالىقتار