«بيىلعى قىركۇيەك جانە قازان ايلارىندا قازاقستاندا وتىن تاپشىلىعىنا بايلانىستى كۇردەلى جاعداي ورىن الدى. قازاقستاننىڭ ءىرى رەسۋرس ۇستاۋشىلارى مەن جەتكىزۋشىلەرى اۆياوتىندى ۋاقىتىلى جەتكىزە الماي وتىر, بۇل قازىرگى ۋاقىتتا اۋەجايدىڭ وڭىرلىك كولىك تورابى رەتىندە قالىپتى جۇمىس ىستەۋىنە كەرى اسەرىن تيگىزۋدە. ماسەلەن, قازىر رەسەي فەدەراتسياسىنىڭ ءونىم جەتكىزۋشىلەرى بىرقاتار سەبەپتەرگە, ونىڭ ىشىندە ىشكى سۇرانىستىڭ ارتۋىنا بايلانىستى قازاقستانعا اۆياوتىن جەتكىزۋدەن باس تارتىپ وتىر», دەدى «نۇرسۇلتان نازارباەۆ حالىقارالىق اۋەجايى» اق ءباسپاسوز حاتشىسى ءانۋار شالەكەنوۆ.
قىركۇيەك پەن قازان ايلارىندا تاپشىلىق پەن باعانىڭ كۇرت وسۋىنە بايلانىستى 14 مىڭ توننا اۆياوتىن جەتكىزىلمەگەن. وسىعان بايلانىستى بۇگىنگى تاڭدا رەزەرۆتەر تاۋسىلىپ قالعان.
«قاراشا ايىندا بىردە-ءبىر جەتكىزۋشى اۆياوتىن جەتكىزۋ كولەمىن راستامادى. جاڭا كەلىسىمشارتتار بويىنشا ەڭ جاقىن اراداعى جەتكىزۋ تەك 15 قاراشادا بولۋى مۇمكىن. ءبىز جۇك رەيستەرىنە جانارماي قۇيۋعا شەكتەۋلەر ەنگىزدىك, جاقىندا ولاردى مۇلدەم قابىلداماۋعا ءماجبۇر بولامىز», دەيدى ءانۋار شالەكەنوۆ.
نۇر-سۇلتان اۋەجايى اۆياوتىن جەتكىزۋ تۋرالى قاتاڭ كەلىسىمشارتتاردىڭ جوقتىعىن, سونداي-اق وتىننىڭ قاجەتتى كولەمىنىڭ جەتكىزىلمەۋىنەن تۋىنداعان قيىن جاعدايدى جانە اۋەجايداعى بار رەزەرۆتىڭ جۇمسالعانىن ەسكەرىپ, جولاۋشىلاردان الداعى ۋاقىتتاردا بولۋى ىقتيمال ماسەلەلەرگە تۇسىنىستىكپەن قاراۋدى سۇرايدى.
