الەم • 26 قازان، 2021

قىتاي 3 جاستان اسقان بالالارعا ۆاكتسينا سالادى

97 رەت كورسەتىلدى

قىتايدا كوروناۆيرۋسقا قارسى ەكپەنى 3 جاستان اسقان بالالارعا سالا باستايدى. ەل بيلىگى ينفەكتسيانىڭ ورشۋىنە باسقا ساياسات ۇستانا الار ەمەس. بۇگىندە قىتاي حالقىنىڭ 76% كوروناۆيرۋس ۆاكتسيناسىن تولىقتاي سالدىرعان، دەپ حابارلايدى Egemen.kz.

قىتاي كوروناۆيرۋسقا قارسى ۆاكتسينانى ەرتە جاستان ەگە باستايتىن ساناۋلى ەلدەر قاتارىنا ەندى. ماسەلەن، كۋبا 2 جاستان باستاپ ۆاكتسينالاي باستادى. اقش پەن ەۋروپانىڭ كوپتەگەن ەلدەرى COVID-19-عا قارسى ۆاكتسينانى 12 جاستان اسقان بالالارعا سالۋعا رۇقسات بەردى.

اقش بالالارعا 5 جاستان باستاپ ۆاكتسينا سالۋدى قاراستىرىپ جاتىر. قىتايدىڭ بەس پروۆينتسياسىندا جەرگىلىكتى بيلىك ورگاندارى 3-11 جاس ارالىعىنداعى بالالارعا ۆاكتسينا سالۋ كەرەكتىگىن مالىمدەدى. بۇل شارا قىتايدىڭ كەيبىر بولىگىندە جاڭا قاتاڭ شارالار ەنگىزۋگە بايلانىستى قابىدانۋدا. ەكونوميكاسى تۋريزمگە تىكەلەي قاتىستى قىتايدىڭ سولتۇستىك-باتىسىنداعى گانسۋ پروۆينتسياسىندا بارلىق تۋريستىك نىساندار كۆي-ءدىڭ ورشۋىنە بايلانىستى جابىلدى. 1،4 ميلليارد تۇرعىنى بار ەلدە حالىقتىڭ 1،07 ميللياردى كوروناۆيرۋسقا قارسى ۆاكتسينا ەكتىرگەن. ەل ۇكىمەتى كوروناۆيرۋستىڭ كەڭ تارالاتىن دەلتا شتامىنىڭ ساياحاتتاۋشىلار اراسىندا تارالۋىنا الاڭداپ وتىر. بەيجىڭدەگى 2022 جىلعى قىسقى وليمپيادا ويىندارىنا شەتەلدىك جانكۇيەرلەر قاتىسا الماۋى مۇمكىن.

مالىمەتتەرگە سايكەس، قىتايدا كەڭىنەن تارالعان Sinopharm جانە Sinovac ۆاكتسينالارى ۆيرۋستىڭ تارالۋى مەن اۋرۋدىڭ اۋىر ءتۇرىنىڭ الدىن الۋىنا سەپتىگىن تيگىزىپ وتىر. حۋبەي، فۋتسزيان جانە حاينان پروۆينتسيالارى، سونداي-اق چجەتسزيان جانە حۋنان پروۆينتسيالارىنداعى جەكەلەگەن قالالار ۆاكتسيناتسيانىڭ جاڭا تالاپتارىن جاريالادى.

ماۋسىم ايىندا قىتاي ەكى ۆاكتسينانى – بەيجىڭ بيولوگيالىق ونىمدەر ينستيتۋتىنىڭ Sinopharm جانە Sinovac ۆاكتسينالارىن 3 جاستان 17 جاسقا دەيىنگى بالالارعا قولدانۋعا رۇقسات بەردى. بىراق ۆاكتسيناتسيا تەك 12 جاستان اسقان بالالارعا عانا جاسالادى.

تامىز ايىندا رەتتەۋشى ورگاندار ۋحان بيولوگيالىق ونىمدەر ينستيتۋتى جاساعان تاعى ءبىر Sinopharm ۆاكتسيناسىن ماقۇلدادى. قىتايداعى بالالارعا ۆاكتسينالار ماقۇلدانعاننان كەيىن، شەتەلدىك ۇكىمەتتەر ءوز ەلدەرىندەگى بالالارعا ۆاكتسينا سالا باستادى. كامبودجا Sinovac جانە Sinopharm ۆاكتسينالارىن 6-11 جاس ارالىعىنداعى بالالارعا، چيلي 6 جاستان اسقان، ارگەنتينا 3 جاستان اسقان بالالارعا ەگۋدى باستادى.

قىتاي سىرتقى ىستەر مينيسترلىگىنىڭ مالىمەتىنشە، بۇل ەل 1،2 ملرد ۆاكتسينا دوزاسىن جىبەرگەن.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار