تەحنولوگيا • 26 قازان، 2021

«قياڭقى جانە كەلىسپەيتىندەردى ۇستايتىن» روبوت-يتتەر جالعان بولىپ شىقتى

85 رەت كورسەتىلدى

بەلگىلى قازاقستاندىق Telegram-ارنالاردىڭ بىرىندە كوشەدە روبوت-يتپەن جۇرگەن پوليتسەيلەردىڭ بەينەروليگى تارادى. وندا روبوت-يتتەر «قياڭقى جانە كەلىسپەيتىندەردى ۇستاۋ» ءۇشىن پايدالانىلادى دەپ جازىلعان. بۇل جالعان، دەپ حابارلايدى Egemen.kz stopfake.kz-كە سىلتەمە جاساپ.

الدىمەن بۇل قانداي روبوتتار جانە ولاردى كىم جانە نە ءۇشىن جاساعانىن اتاپ وتەيىك.

ۆيدەودا Spot دەپ اتالاتىن روبوتتار كورسەتىلگەن. ولاردى Boston Dynamics كومپانياسى ازىرلەگەن. كاسىپورىننىڭ رەسمي سايتىندا Spot ايماقتى تەكسەرۋ جانە بارلاۋ قۇرالى رەتىندە جاسالعانى ايتىلعان. 

مىسالى، مۇنداي روبوت قۇرىلىس الاڭدارىندا ءجۇرىپ، ءارتۇرلى بۇرىشتاردان سۋرەتتەر تۇسىرە الادى، بۇل جاڭا عيماراتتىڭ قۇرىلىسىن ناقتى باقىلاۋعا مۇمكىندىك بەرەدى. سونىمەن قاتار، Spot ءارتۇرلى سەبەپتەرمەن ادامداردى جىبەرۋ قاۋىپتى بولۋى مۇمكىن شاحتالار مەن جەراستى توننەلدەرىن تەكسەرە الادى.

وتكەن جىلدىڭ سوڭىندا نيۋ-يورك پوليتسياسى Boston Dynamics كومپانياسىمەن Spot روبوتتارىن جەتكىزۋ جونىندە كەلىسىمشارت جاساستى. مۇنداي روبوت-يتتەردى ىقتيمال قاۋىپتى جەرلەرگە بارلاۋعا جىبەرۋگە بولادى، وسىلايشا پوليتسيا وفيتسەرلەرىنىڭ قاۋىپسىزدىگى قامتاماسىز ەتىلەدى. سونداي-اق روبوتتار تۇرعىن ۇيلەردەگى قاۋىپتى گازداردىڭ جىلىستاۋىن انىقتاپ، قاراڭعىدا «كورە» الادى، سونداي-اق، پوليتسيا مەن تۇتقىنعا الىنعاندار نەمەسە وفيتسەرلەر مەن توتەنشە جاعدايعا تاپ بولعان ادامدار اراسىنداعى ەكى جاقتى بايلانىستى قامتاماسىز ەتەدى.

روبوتتار قارۋلانباعان جانە ولاردى تەك بەيبىت ماقساتتا، ازاماتتار مەن پوليتسيا قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن عانا پايدالانۋ جوسپارلانعان.

الايدا، بيىل ءساۋىر ايىندا روبوت يت وندىرۋشىلەرىمەن كەلىسىمشارت بۇزىلدى. بۇعان نيۋ-يورك تۇرعىندارىنىڭ نارازىلىعى سەبەپ بولدى. روبوت-يتتەر ولارعا تىم قورقىنىشتى بولىپ كورىنىپ، قالا تۇرعىندارى ولاردىڭ كوشەدە جۇرگەنىن ۇناتپادى.

سونىمەن قاتار، كوپتەگەن يتتەر 2017 جىلى شىققان «قارا اينا» سەريالىنىڭ ەپيزودىنا بايلانىستى قاۋىپتىلىكپەن اسسوتسياتسيالانادى. روبوتتاردىڭ بۇل ءتۇرى قارۋ رەتىندە قولدانىلعان. ولار جابىرلەنۋشىنى ۇزاق ۋاقىت بويى قۋىپ، ولتىرگەن.

الايدا، ناعىز Spot روبوتتارى بەيبىت ماقساتتا جاسالعان، ولار ەشقاشان ەشقانداي قارۋمەن جابدىقتالماعان جانە تۇراقتى تۇردە باتارەيانى قۋاتتاپ وتىرۋدى قاجەت ەتەدى.

دەمەك، ۆيدەودا كورسەتىلگەن روبوتتار بار، بىراق ولار «قياڭقى جانە كەلىسپەيتىن ادامداردى ۇستاۋ» ءۇشىن پايدالانىلمايدى. روبوت-يتتەر ازاماتتار مەن پوليتسيا قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن قاجەت. ولار تەك نيۋ-يوركتە عانا قولدانىلعان، بىراق قالا تۇرعىندارى مۇنداي جاڭاشىلدىقتى ۇناتپاعاندىقتان بيىل ءساۋىر ايىندا مەگاپوليس پوليتسياسى روبوت-يتتەردى پايدالانۋدان باس تارتۋ تۋرالى شەشىم قابىلدادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار