ايماقتار • 26 قازان، 2021

جەمقورلىق تۋرالى اقپارات بەرگەندەرگە سىياقى بەرىلدى

2003 رەت كورسەتىلدى

بيىل الماتى وبلىسىنىڭ 5 تۇرعىنى سىبايلاس جەمقورلىق دەرەكتەرى بويىنشا اگەنتتىكتىڭ كولل ورتالىعىنا حابارلاسىپ، سىياقى الدى. بەس ادامعا تولەنگەن قاراجات قۇنى - 962 610 تەڭگە، دەپ حابارلايدى Egemen.kz.

ەگەر ادام سىبايلاس جەمقورلىق قىلمىسى تۋرالى حابارلاعان بولسا، وندا ول ايىپتاۋ ۇكىمى شىعارىلعاننان كەيىن پارا سوماسىنىڭ 10%-ىن الا الادى. سىبايلاس جەمقورلىققا قارسى قىزمەتىنىڭ 1424 Call-ورتالىعى سىبايلاس جەمقورلىق فاكتىلەرى تۋرالى، ونىڭ ىشىندە جاسالعان نەمەسە دايىندالىپ جاتقان قۇقىق بۇزۋشىلىقتار تۋرالى، سونداي-اق كاسىپكەرلىك قىزمەتكە كەدەرگى كەلتىرۋ جاعدايلارى تۋرالى تەلەفون حابارلامالارىنا تاۋلىك بويى جاۋاپ بەرەدى.

بۇعان قوسا، Call-ورتالىعىنىڭ وپەراتورلارى اگەنتتىكتىڭ قىزمەتى تۋرالى سۇراقتارعا جاۋاپ بەرەدى. سىبايلاس جەمقورلىققا قارسى قىزمەت پەن ونىڭ قىزمەتكەرلەرىنىڭ جۇمىسىنا شاعىمدار، ۇسىنىستار مەن پىكىرلەردى قابىلدايدى، جۇمىسقا ءتۇسۋ ءتارتىبىن تۇسىندىرەدى. كولل-ورتالىعىنا تۇسكەن ءاربىر قوڭىراۋ بويىنشا زاڭناما شەڭبەرىندە دەرەۋ ارەكەت جۇرگىزىلىپ وتىرادى.

بۇگىندە الماتى وبلىسىندا «Jetisý - adaldyq alańy» جوبالىق كەڭسەسى سىبايلاس جەمقورلىقتى جويۋ بويىنشا بىرىڭعاي ماقساتتى جۇزەگە اسىرۋدا مەملەكەتتىك قىزمەتكەرلەر مەن ازاماتتاردى بىرىكتىرەتىن جالپىۇلتتىق يدەياعا اينالۋدا. بۇل باعىتتا جوبالىق كەڭسە قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىمەن بىرلەسىپ اقپاراتتىق-ناسيحاتتاۋ جۇمىستارىن جۇرگىزۋدە.

ماسەلەن، سىبايلاس جەمقورلىققا قارسى قىزمەتىنىڭ 1424 Call-ورتالىعىن ناسيحاتتاۋ ماقساتىندا الماتى وبلىسىنىڭ جاستار بەلسەندىلەرى وبلىس اۋماعىندا مەملەكەتتىك ورگانداردىڭ وكىلدەرىمەن بىرلەسىپ، «پاراساتتى بول، سىبايلاس جەمقورلىق فاكتىلەرى تۋرالى 1424-كە حابارلا!» اتتى بىرىڭعاي وبلىستىق اكتسيا ۇيىمداستىردى. اكتسيا اياسىندا بەلسەندىلەر سىبايلاس جەمقورلىققا قارسى جاپسىرمالاردى قوعامدىق ورىنداردا، قوعامدىق كولىكتەردە، پاترۋلدىك اۆتوكولىكتەردە، سونداي-اق مەملەكەتتىك مەكەمەلەردىڭ اقپاراتتىق تاقتاشالارىندا ورنالاستىردى.

«جىل باسىنان بەرى «پاراسات ورتالىعى» وبلىستىڭ بارلىق 20 اۋدانىندا اشىلدى. ورتالىقتىڭ باستى ماقساتى - حالىقتىڭ وزەكتى ماسەلەلەرىن شەشۋ بويىنشا شۇعىل ارەكەت ەتۋ جانە ازاماتتاردىڭ قۇقىعىن جۇزەگە اسىرۋدا مەملەكەتتىك ورگانداردىڭ ءوزارا بىرلەسە ارەكەتتەسۋىن قامتاماسىز ەتۋ. اقپان ايىنان بەرى وبلىس كولەمىندە 200-گە جۋىق ءىس-شارا وتكىزىلدى. شارالار قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىستىق دەپارتامەنتىنىڭ ءبىرىنشى ورىنباسارى جاندوس جۇماباەۆتىڭ جەكە باقىلاۋىندا جۇزەگە اسىرىلۋدا»،دەدى. الماتى وبلىسى «Jetisý - adaldyq alańy» جوبالىق كەڭسەسىنىڭ جەتەكشىسى امانجول جازىقباەۆ.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار