جول اپاتى 22 قازاندا ەلەنوۆكا اۋىلىنىڭ ماڭىنداعى كوكشەتاۋ – قوستاناي اۆتوجولىندا بولدى. 34 جاستاعى نۇر-سۇلتان قالاسىنىڭ تۇرعىنى Volkswagen Golf اۆتوكولىگىن باسقارىپ كەلە جاتىپ, قارسى جولاققا شىعىپ, Kia Sportage كروسسوۆەرىمەن سوقتىعىسۋعا جول بەردى, ونى قوستانايدىڭ 55 جاستاعى تۇرعىنى جۇرگىزىپ كەلگەن.
«جول-كولىك وقيعاسى سالدارىنان وقيعا ورنىندا العان جاراقاتتاردان نۇر-سۇلتاننىڭ 41 جاستاعى تۇرعىنى Volkswagen Golf اۆتوكولىگىنىڭ جولاۋشىسى قايتىس بولدى. كوپسالالى وبلىستىق اۋرۋحانانىڭ قابىلداۋ بولمەسىنە ءتۇرلى جاراقاتپەن Volkswagen Golf اۆتوكولىگىنىڭ جۇرگىزۋشىسى مەن ەكى جولاۋشىسى, KIA Sportage ماركالى اۆتوكولىگىنىڭ جۇرگىزۋشىسى مەن جولاۋشىسى جەتكىزىلدى», دەلىنگەن اقمولا وبلىسى پد حابارلاماسىندا.
جكو فاكتىسى بويىنشا قر قك 345-بابىنىڭ 3-بولىگى «جول قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالدى.
