ايماقتار • 23 قازان، 2021

تەرروريستەر باسىپ الدى: وسكەمەن تۇرعىنى جالعان اقپارات تاراتتى

180 رەت كورسەتىلدى

وسكەمەندە الكوگولدى ىشىمدىككە ماسايعان تۇرعىن پوليتسياعا تەرروريزم اكتىسى تۋرالى جالعان حابار بەردى، دەپ حابارلايدى Egemen.kz.

قالالىق پوليتسيا باسقارماسى ءباسپاسوز قىزمەتى ءمالىم ەتكەندەي، «102» جەدەل ارناسىنا جەرگىلىكتى تۇرعىن قوڭىراۋ شالىپ، شاھارداعى عيماراتتاردىڭ ءبىرىن تەرروريستەر باسىپ العانىن جەتكىزدى.

وقيعا ورنىنا ءتارتىپ ساقشىلارى جونەلتىلدى. الايدا بۇل حابار جالعان بولىپ شىقتى.

پوليتسيا قىزمەتكەرلەرى قوڭىراۋ شالعان ادامدى انىقتاۋعا كىرىستى. ول وسكەمەننىڭ 35 جاستاعى تۇرعىنى بولىپ شىقتى.

«ەر ادام ماس بولعاندىقتان جانە وزىنە نازار اۋدارتۋ ءۇشىن قوڭىراۋ شالعانىن ايتتى. وعان قاتىستى ارنايى قىزمەتتەردى كورىنەۋ جالعان شاقىرعانى ءۇشىن قر اقبتك-ءنىڭ 438-بابى بويىنشا ءىس قوزعالىپ، 30 ايلىق ەسەپتىك كورسەتكىش مولشەرىندە ايىپپۇل سالىندى»، دەپ ءتۇسىدىردى باسقارما باستىعى اندرەي مۋلا.

سوڭعى جاڭالىقتار

ۇقساس جاڭالىقتار