«كەنەتتەن جوعالعان 41 جاستاعى ايەلدىڭ دەرەگى بويىنشا جەدەل قىزمەتكەرلەر 21 قازان كۇنى ساعات 19:30-دا پاۆلودار اۋدانى ميچۋرينو اۋىلىنىڭ شەتىندەگى ورمان ماڭىنان زورلىق-زومبىلىق بەلگىلەرى بار ايەلدىڭ ءمايىتىن تاپتى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
قۇقىق قورعاۋ ورگاندارى تاراتقان مالىمەتكە سايكەس, بۇل فاكتى بويىنشا سوتقا دەيىنگى تەرگەۋ امالدارى باستالعان.
پاۆلودار وبلىستىق پوليتسيا دەپارتامەنتىنىڭ باستىعى نۇرلان ءماسىموۆ بۇل ءىس بويىنشا ءتيىستى ساراپتامالار تاعايىندالىپ, تەرگەۋ شارالارى جۇرگىزىلىپ جاتقانىن ايتىپ ءوتتى.
دەپارتامەنت وكىلدەرىنىڭ حابارلاۋىنشا, وسى قىلمىستى جاسادى دەگەن كۇدىكپەن شارباقتى اۋدانىنىڭ 32 جاستاعى تۇرعىنى ۇستالىپ, ۋاقىتشا ۇستاۋ يزولياتورىنا قامالعان. قىلمىستىڭ ءمان-جايى مەن سەبەپتەرى انىقتالۋدا.
