تەحنولوگيا • 22 قازان، 2021

اقپاراتتىق تەحنولوگيانىڭ قىر-سىرىنا قانىقتى

35 رەت كورسەتىلدى

الماتىدا «كورۋ قابىلەتى ناشار جاسوسپىرىم­دەر­دىڭ تسيفرلى داعدىلارىن دامىتۋ» جوباسىنىڭ العاش­قى تۇلەكتەرىنە سەرتيفيكاتتار تابىستالدى. بۇل جوبا – «جان» مۇمكىندىگى شەكتەۋلى ازاماتتاردىڭ قۇقىقتارىن قورعاۋ جونىندەگى ازيالىق قوعامى» قوعامدىق بىرلەستىگى مەن بۇۇ بالالار قورىنىڭ (يۋنيسەف) قازاقستانداعى وكىلدىگىنىڭ بىرلەسكەن باستاماسى.

اتالعان جۇمىس 10-19 جاس ارالىعىنداعى كورۋ قابىلەتى ناشار جاسوسپىرىمدەردىڭ تسيفرلى داعدىلارىن، جۇمىسقا ورنالاسۋ مۇمكىندىگىن، سونداي-اق ولاردىڭ اراسىندا الەۋمەتتىك جانە بيزنەس كاسىپكەرلىكتى دامىتۋ ماقساتىندا قولعا الىندى.

ەكى ايدان استام ۋاقىت بويى جاستار تسيفرلى تەحنولوگيالارمەن جۇمىس ىستەۋگە، باعدارلامالار جانە قۇرىلعىلارمەن جۇمىس ىستەۋدىڭ قىر-سىرىنا قانىقتى. تاياۋ ارادا جوبا قاتىسۋشىلارى يۋنيسەف، ەڭبەك جانە حالىقتى الەۋمەتتىك قورعاۋ مينيسترلىگى جانە «جاستار قىزمەتكەرلەرىنىڭ قاۋىمداستىعى» قوعامدىق بىرلەستىگىنىڭ ارنايى جوبالارى شەڭبەرىندە جۇمىسقا ورنالاسۋعا جانە كاسىپكەرلىكپەن اينالىسۋعا سەپتىگىن تيگىزەتىن وقۋدان وتەدى.

قاتىسۋشىلاردىڭ باسىم بولىگى ن.وستروۆسكي اتىن­داعى №4 زاعيپتار مەن ناشار كورەتىن بالالارعا ارنالعان ارنايى مەكتەپ-ينتەرناتىنىڭ بالالارى. جوبانى EPAM Kazakhstan كومپانياسى جانە الماتى قالاسىنىڭ جاستار ساياساتىن دامىتۋ مەملەكەتتىك قورى قولداعان.

«حالىقتىڭ وسال توپتارىنان شىققان بالالاردىڭ، اتاپ ايتقاندا ەرەكشە ءبىلىم بەرۋدە قاجەتتىلىكتەرى بار جاستاردىڭ ءبىلىم الۋدا جانە جاڭا داعدىلاردى ۇيرەنۋگە مۇمكىندىگى شەكتەۋلى ەكەنى جاسىرىن ەمەس. ءبىزدىڭ مىندەتىمىز – وسى جاعدايدى وزگەرتۋ جانە ءتۇرلى سەبەپتەرگە بايلانىستى باسقالارمەن تەڭ دارەجەدە وسۋگە جانە دامۋعا مۇمكىندىگى جوق بالالاردىڭ قۇقىقتارىن قورعاۋعا كەپىلدىك بەرۋ»، دەدى يۋنيسەف-ءتىڭ قازاقستانداعى وكىلى ارتۋر ۆان ديزەن.

وسى كۋرستان ءساتتى وتكەن جاستار تيەسىلى سەرتيفيكاتتارىنا قول جەتكىزىپ، تىڭ تەحنولوگيالار ارقىلى كوزدەگەن ماقساتتارىن جۇزەگە اسىرۋعا كىرىسەدى.

«ماقساتى بار جاستار ءۇشىن قازىر العا قاراي ۇمتىلۋ، ءوزىن ءوزى تابۋ جانە بويىنداعى تالانتتى اشۋ مەن دامىتۋ ماڭىزدى. دەسە دە كەز كەلگەن ىستە ەڭ باستىسى، وزىنە دەگەن سەنىمدى جوعالتپاۋ. بۇل جوبا بالالاردىڭ ارماندارىنىڭ ورىندالۋىنا كومەكتەسەدى دەپ ۇمىتتەنەمىز»، دەدى الماتى قالاسىنىڭ جاستار ساياساتىن دامىتۋ مەملەكەتتىك قورىنىڭ ديرەكتورى الما اۋعانباەۆا.

ەندى بالالار سمارتفونداعى ارنايى ناۆيگاتوردىڭ كومەگىمەن تاۋەلسىز بولىپ، تسيفرلى فورماتتاعى قالاعان ونىمگە جانە قىزمەتكە قول جەتكىزە الادى.

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار